दाँत चम्किलो बनाउने ५ घरेलु उपाय
दाँत पहेंलो भएर हैरान हुनुहुन्छ । यसको समाधानका यतिबेला बजारमा विभिन्न खाले केमिकल आएका छन् । त्यसको पछि नलाग्नुहोला । घरेलु उपायबाट पनि दाँतलाई सफा र चम्किलो बनाउन सकिन्छ । दाँतलाई सफा र चम्किलो बनाउने घरेलु उपाय यस्ता छन् :
तुलसी
तुलसीमा दाँतको पहेंलोपन हटाउन ठूलो मद्धत गर्छ । यसले पहेलोपन हटाउने मात्र होइन मुख र दाँत सम्बन्धि अन्य रोगबाट बचाउँछ । जसका लागि तुलसीको पातलाई घाममा सुकाउने र त्यसको पाउडर बनाएर टुथपेस्टसँग मिलाएर ब्रस गर्दा दाँतमा चमक आउन थाल्छ ।
नुन र तेल
नुन तेलले दाँतलाई सफा गर्दा गिँजालाई स्वस्थ राख्छ भन्ने परम्परागत मान्यता हो । त्यसैले यो चलन अहिले पनि छ । नुनमा शुद्ध तोरीको तेल मिलाएर दाँत सफा गर्ने गर्नाले दाँत स्वस्थ हुुनुका साथै चम्किलो पनि हुन्छ ।
सुन्तलाको बोक्रा
सुन्तलाको बोक्राले पनि दाँतलाई चम्किलो बनाउन मद्धत गर्छ । यसको बोक्रालाई घाममा सुकाएर बनाइएको पाउडरलाई दाँत माझिसकेपछि लगाउँदा चमक आउँछ । दाँत ब्रस गरिसकेपछि उक्त पाउडरले दातमा हल्का मसाज गर्दा भिटामिन सी र क्याल्सियम कारण दात चम्किलो हुन्छ ।
गाँजर
खाना खाइसकेपछि दिनहुँ गाजर खाने बानीले पनि दाँत चम्किलो बनाउन मद्धत गर्छ । गाजरमा रहेको रेसाहरुले दाँतलाई राम्रोसँग सफा गर्छ ।
निम
निमको उपयोग पनि धेरै पहिलेदेखि दाँतको सफाईमा हुँदै आएको छ । दिनहुँ निमको काठ, निमको सानो हाँगाले दात सफा गर्ने बानीले दाँतमा कुनै किसिमको रोग लाग्न दिँदैन । साथै, दाँत पहेंलो हुने समस्याबाट पनि छुटकारा पाउन सकिन्छ ।
