English

यस्तो बन्यो २२ अर्बको पोखरा क्षेत्रीय अन्तर्राष्ट्रिय विमानस्थल (भिडियोसहित)



पोखरा क्षेत्रीय अन्तराष्ट्रिय विमानस्थलको निर्माण यही असार २६ गतेसम्म सकिसक्ने लक्ष्य थियो । यो लक्ष्य पुरा भएको भए माछापुच्छ्रे हिमालको मनोरम दृश्य हेर्दै सिधै पोखरा अवतरण गर्ने तमाम नेपाली तथा विदेशीको चाहना पुरा हुन्थ्यो । तर, हालसम्म विमानस्थलको काम ७८ प्रतिशत मात्र सकिएकाले तत्कालका लागि त्यो सम्भावना टरेको छ ।

२२ अर्ब लगानीमा २०७४ असारबाट निर्माण सुरु गरिएको विमानस्थलको अझै थुप्रै काम बाँकी छन् । त्यसैले तोकिएको समयमा सकिने सम्भावना निकै कम रहेको विमानस्थल निर्माण आयोजना प्रमुख विनेश मुनकर्मी बताउँछन् ।

‘हामीले तोकिएको भन्दा ६ महिना अगावै निर्माण गरिसक्ने लक्ष्यका साथ काम गरेका थियौं,’ उनले भने, ‘तर, कोरोना भाइरसका कारण जनशक्ति र सामान ढुवानीमा समस्या हुँदा समय सीमाभित्र सक्न मुस्किल भयो ।’

तोकिएको समयभित्र नसकिने भएपछि निर्माण कम्पनी चाइना सिएएमसी इन्जिनियरिङले म्याद थपका लागि नेपाल नागरिक उड्डयन प्राधिकरणलाई निवेदन दिइसकेको छ । त्यसैले आउँदो डिसेम्बरसम्म निर्माण सम्पन्न भइसक्ने मुनकर्मीको दाबी छ । ‘हामी डिसेम्बरसम्म सबै काम सक्छौं,’ उनले भने, ‘२०७८ भित्र परीक्षण उडान गर्ने हाम्रो लक्ष्य छ ।’

कोरोनाको पहिलो लहरमै चीनबाट आउने कामदार र सामान अड्किए । भारतमा कोरोना महामारी फैलिएपछि सीमानाका बन्द भएका कारण सामान ल्याउन कठिन भएकाले समयमै काम सक्न कठिन भएको उनी बताउँछन् ।

३ हजार ७ सय ९९ सय रोपनी क्षेत्रफलभित्र बन्दै गरेको यस विमानस्थलमा टर्मिनलसहित ९ वटा भवन छन् । ‘यी सबै भवनको काम सकिएको छ,’ उनले भने, ‘४ वटा भवनको केही तलामा फिनिसिङको काम भइरहेको छ ।’ १० हजार वर्गमिटरको टर्मिनल भवनको लम्बाई करिव १ सय ९५ मिटर छ ।
त्यस्तै, ल्याण्ड साइडतर्फ एक्सेस रोड र टर्मिनल सर्भिस रोडहरुको पनि मूख्य काम सम्पन्न भइसकेको उनले बताए ।

विमानस्थलको २ हजार ५ सय मिटर लम्बाई र ४५ मिटर चौडाईको धावनमार्ग (रन वे) रहेको छ । यसैगरी, ट्याक्सी वे करिव ९ सय मिटर लम्बाई, २३ मिटर चौडाईको छ ।

यस विमानस्थालमा १ सयदेखि २ सय सिट क्षमता भएका विमानहरु अवतरण हुने मुनकर्मी बताउँछन् । ‘यहाँ धेरै ठूला जहाज ल्याण्ड हुँदैनन्,’ उनले भने, ‘यहाँ नजिकै डाँँडाहरु छन् त्यसैले मध्यम साइजका विमानहरुमात्र अवतरण हुन्छन् भने ११ वटासम्म विमान पार्किङ गर्न सकिन्छ ।’

यस्तो बन्यो २२ अर्बको पोखरा क्षेत्रीय अन्तर्राष्ट्रिय विमानस्थल (फोटो फिचर)
सुनसान पोखरामा साइबेरियन बकुल्लाले थपेको रौनकता (फोटो फिचर)
कोरोनाले थला परेको लुम्बिनी (ड्रोन तस्बिर)
निषेधाज्ञामा निदाएको कन्याम (फोटो फिचर)
कोरोनाले थला परेको लुम्बिनी (ड्रोन तस्बिर)



सम्बन्धित खबरहरु

‘द स्कुल वाल’ ले ‘छैटौं नेपाल कल्चरल इन्टरनेशनल फिल्म फेस्टिभलमा उत्कृष्ट राष्ट्रिय बाल चलचित्र पुरस्कार प्राप्त गरेको छ । ऐना

आज सोनाम ल्होसारयसकारण मनाउन थालियो ल्होसार तामाङ समुदायको सांस्कृतिक पर्व सोनाम ल्होसारका अवसरमा सरकारले आज बिहिबार देशभर सार्वजनिक बिदा दिएको छ।समुदायले

हङकङमा तमु व्याडमिन्टन च्याम्पिएनसिप हुने भएको छ । २३ फेब्रवरीका दिन हुने उक्त प्रतियोगितमा तमु व्याडमिन्टन संघले आयोजना गर्न लागेको

एपी शर्माको संगीत र शब्दमा आधारित तथा कैसिलोको स्वर र प्रस्तुति रहेको नयाँ म्युजिक भिडियो “भ्यालेन्टाइन” सार्वजनिक भएको छ।मिस्टर जेसीडीको निर्देशनमा तयार यो म्युजिक भिडियोले प्रेमका भावनालाई आधुनिक शैलीमा प्रस्तुत गरेको छ।   गीतको बोल “भ्यालेन्टाइन” प्रेम, रोमान्स र गहिरो भावनाको समायोजन हो ।   यसले भ्यालेन्टाइन डेको पर्खाइ मात्र नभई, प्रेमलाई दिन विशेष बनाउनेहरेक दिनको महत्त्वलाई व्यक्त गर्दछ। “फेब्रुअरीको पर्खाइ गर्न सक्दिन, मलाई माया गरिदेऊ” भन्ने गीतका शब्दहरूले प्रेमीहरूलाई आफ्नो भावनाहरूखुलस्त रूपमा व्यक्त गर्न प्रेरित गर्ने सन्देश दिन्छ।   गीतमा प्रेम, वफादारी, र रोमान्सको भावना झल्किएको छ नाइजेरियामा छायांकन गरिएको भिडियोको भिजुअल प्रस्तुति गीतकै भावना अनुसारजीवन्त र कलात्मक छ। मुख्य भागहरूमा प्रेममा परेका मानिसहरूको भावनालाई प्रतीकात्मक रूपमा प्रस्तुत गरिएको छ।   म्युजिक भिडियोले उत्कृष्ट छायांकन र निर्देशनमार्फत प्रेम र रोमान्सलाई अझ रोचक बनाएको छ। भिडियोमा आधुनिक शैलीका शब्द र धुनलेयुवाहरूको मन जित्ने प्रयास गरिएको छ।   गीत “एपी म्युजिक” युट्युब च्यानलमा उपलब्ध छ, जसले छोटो समयमा नै दर्शकहरूको मन जित्ने सम्भावना राख्दछ। “भ्यालेन्टाइन” गीतले प्रेमदिवसलाई अझ विशेष बनाउन प्रेरणा दिने अपेक्षा गरिएको छ।   नेपाली डायस्पोराले अंग्रेजी गीत-संगीतमा पनि विश्वब्यापी प्रतिस्पर्धा गर्न सुरु गरेको यो एउटा सकारात्मक संकेत हो, जसले नेपाली कलाकारितालाईअन्तर्राष्ट्रिय स्तरमा थप पहिचान दिलाउन मद्दत पुर्याउनेछ।