गायक सुगमको गीतमा दीपाश्री र सन्दिपको ठुम्का
गायक सुगम पोखरेल र गायिका समिक्षा अधिकारीको स्वरमा रहेको ‘आँटिदे मैना’ बोलको गीत सार्वजनिक भएको छ । उक्त गीतमा अभिनेत्री दीपाश्री निरौला र अभिनेता सन्दिप क्षेत्रीले ठुम्का कसेका छन् ।
शुक्रवार मिस्टर आरजे यट्युब च्यानलमार्फत् सार्वजनिक भएको गीतमा राजेन्द्र भट्ट र नवराज कलौनीको शब्द रहेको छ भने भट्टको संगीत छ ।
गीतमा मोहित मुनालले संगीत संयोजन गरेका छन् भने श्यामश्वेत रसाइलीले मिक्स मास्टरको काम गरेका छन् । गीतको भिडियोलाई हरि हुमागाईंले छायांकन गरेका हुन् भने कविराज गहतराजले नृत्य निर्देशन गरेका छन् ।
विपिन मल्लले सम्पादन गरेका गीतको भिडियोमा कपिल पराजुलीले कलर भरेका छन् । उक्त गीति भिडियोलाई अभिनेत्री निरौलीले निर्देशन गरेकी हुन् ।
