३,४५६ जना कोरोना मुक्त हुँदा थपिए २,४४२
नेपालमा गत २४ घण्टामा थप ३ हजार ४ सय ५६ जना कोरोना संक्रमण मुक्त भएका छन् । योसँगै नेपालमा कोरोना संक्रमण मुक्त हुनेको कुल संख्या ५ लाख ५६ हजार ७ सय ९८ पुगेको छ ।
त्यस्तै पछिल्लो २४ घण्टामा नेपालमा कोरोना संक्रमणबाट थप ५१ जनाको मृत्यु भएको छ । योसँगै नेपालमा कोरोना संक्रमणबाट निधन हुनेको कुल संख्या ८ हजार ७ सय २६ पुगेको स्वास्थ्य तथा जनसंख्या मन्त्रालयले जनाएको छ ।
त्यस्तै नेपालमा कोरोना पछिल्लो २४ घण्टामा २ हजार ४ सय ४२ जनामा कोरोना संक्रमण पुष्टि भएको छ । हालसम्म नेपालमा आरटीपीसीआर विधिबाट ६ लाख २१ हजार ५६ र एन्टिजेन विधिबाट २६ हजार ५ सय ९५ जनामा कोरोना पुष्टि भएको छ ।
