एकैदिन ३६६० जनाले जिते कोरोना

नेपालमा एकैदिन ३ हजार ६ सय ६० जना कोरोना जितेका छन् भने २ हजार ४ सय १ जनामा संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार हालसम्म कोरोना संक्रमणमुक्त हुनेको संख्या ५ लाख ५३ हजार ३ सय ४२ पुगेको छ । यो कुल संक्रमितको ८९.३ प्रतिशत हो ।

पछिल्लो २४ घन्टामा थप ३४ जना संक्रमितको मृत्यु भएको छ । हालसम्म कोरोना संक्रमणबाट मृत्यु हुनेको संख्या ८ हजार ६ सय ७५ पुगेको छ ।

नेपालमा हाल ५३ हजार ७ सय ३३ जना होम आइसोलेसन र ३ हजार ८ सय ८५ जना संस्थागत आइसोलेसनमा छन् । यी मध्ये ८ सय ७४ जनाको आईसियु र २ सय ५८ जनाको भेन्टिलेटरमा उपचार भइरहेको मन्त्रालयले जनाएको छ ।

पछिल्लो २४ घन्टामा ११ हजार ६ सय ९६ वटा नमूना परीक्षण भएको छ । जसमध्ये, पीसीआर विधीबाट ७ हजार १० र एन्टिजेन विधिबाट ४ हजार ६ सय ८६ नमूना परीक्षण भएको हो ।