यसरी बनाउनुहोस् चिकेन छोइला
नेवारी समुदायको मासुको परिकार मध्ये एक हो छोइला । छोइलाको टिपिकल अर्थ भनेको ‘छुयुः ला’ अर्थात् पोलेको मासु भन्ने हुन्छ । काँचो मासुलाई पोलेर मात्रै तयार गरिने भएकाले यसलाई छोइला भनिएको हो ।
यसलाई नेवारी समुदायमा चिउरासँग खाने गरिन्छ । तपाईले घरमा यसरी बनाएर खान सक्नु हुन्छ ।
आवश्यक सामाग्री
– आधा किलो फल मासु
– लसुन र अदुवाको पेस्ट
– दुई चम्चा रातो खुर्सानीको धुलो
– ५ देखि ६ दाना टिमुरको धुलो
– एक चम्चा मेथिको दाना
– बेसार,नुन आवश्यक अनुसार
– तोरीको तेल आवश्यक अनुसार
– मसिनो गरी काटेको हरियो लसुन र धनियाँ
बनाउने विधि
–लामो गरी काटेको काँचो मासु सुइरो (मासु पोल्न प्रयोग गरिने फलामको सुइरो) मा खोप्ने ।
–सुइरोमा खोपेको मासु परालको आगोमा राम्रोसँग पोल्ने ।
–पोलेको मासु आवश्यक अनुसार टुक्रा–टुक्रा बनाएर काट्ने ।
–काटेको मासु, मसलाहरु लसुन र अदुवाको पेस्ट, रातो खुर्सानीको धुलो, मसिनो गरी काटेको लसुन र धनियाँ , टिमुरको धुलो एक भाँडामा राख्ने
–तोरीको तेलमा मेथि पड्काउने र बेसार पकाएर मोल्ने ।
–यसरी तपार्इंलाई मन पर्ने मासुको छोइला बनाउन सक्नुहुन्छ ।
