बर्खामा स्वस्थ रहन के खाने, के नखाने ?
बर्खा सीजन सुरु भएको छ । यस सीजनमा झाडापखाला, फूड पोइजन जस्ता रोग खानापानको असन्तुलनलेका कारणले देखापर्छ । बर्खामा हुने रोगबाट जोगिन जीवनशैली र खानपानमा परिवर्तन गर्नु आवश्यक छ । यस्तो मौसममा के खाने र के नखाने ? जनस्वास्थ्यविद् डा.अरुणा उप्रेतीको सुझाव यस्तो छः
के खाने ?
–घरका ताजा खानेकुरा खाने ।
– सीजनमा पाइने ताजा फलफूल खाने ।
– विभिन्न किसिमका दाल र अन्नहरु खाने । जसले रोगसँग लाड्ने क्षमता बढाउँछ ।
– प्रशस्त मात्रमा सफा र उमालेको पानी पिउने ।
–उमालेको पानीमा सकेसम्म कागति र अमला राखेर पिउने ।
–बाहिर भएको अवस्थामा सकेसम्म उमालेको पानी पिउने त्यो सम्भव नभएमा लेमन टी खानुपर्छ ।
– चना, आलु, बदाम र मोराय राखेर घरमै बनाएको चनाचटपटे बालबालिकालाई खुवाउने । यसरी बालबालिकाको इच्छाको खानेकुरा खान पाउनुका साथै उनीहरु स्वास्थ रहनछन् ।
–फ्रिजमा राखेको खानेकुरा पनि २४ घण्टाको मात्र खाने । र खाने बेलामा ताताएर मात्र खाने ।
–एक पटक तताएर राखेको खाना फेरि तताएर नखाने यसरी पटक–पटक बासी खाना तताउँदा खानामा पोषाण तत्व रहँदैन ।
–गर्मी भएकोले दही, मोही, कागति, पुदिनाको पेय पदार्थ खाने ।
–चिया खाँदा दूधको चिया कसैलाई मन परेमा त्यो खाने, लेमन टी खाने गर्नुपर्छ यस्ले शरिरलाई पानीको आवश्यक पूर्ति गर्छ ।
– क्वाँटी वा टुसा उमारिएको गेडागुडीको पौष्टिक तत्वको दुई गुण हुन्छ जसकारणले यस्ता गेडागुडीका झोल, तरकारी खाने ।
– विभिन्न किसिमको तरकारीहरुको झोल ।
–पानी परेको समयमा पकौडा खान मन लागेमा घरमै आलु र बेसनको पकौडा बनाएर खाने ।
–यसका साथसाथै घरको भान्सामा पाइने सबै खान खानु राम्रो हुन्छ ।
के नखाने ?
–वर्षातको समयमा खानामा विभिन्न किटाणु पर्ने भएकाले फ्रिज बाहिरको बासि खानेकुरा नखाने ।
–बजारमा पाइने पेयपदार्थहरु नपिउने ।
–धेरै चिल्लो, पिरो र मसलेदार खाने कुरा नखाने ।
–बजारमा पाइने विभिन्न खाले सुपहरु नखाने ।
–पानी उमालिएको छैन भने त्यो पानी नपिउने ।
– कुनै परकारका बाहिरको खाने कुरा खानु हँुदैन ।
