English

कोरोना वार्ता

निषेधाज्ञामा यसरी बित्छ कुमार कट्टेलको दैनिकी



कोरोनाका कारण अधिकांशको जीवन अस्तव्यस्त छ । अधिकांश समय व्यस्त रहने कलाकार घरमै बस्न बाध्य छन् ।
निषेधाज्ञाको यो समयमा घरमा कसरी बिताउने ? यो चिन्ता अहिले अधिकांशलाई छ । मेरोलाइफस्टाइलसँगको कुराकानीमा निषेधाज्ञामा कसरी समय बिताउने भनेर हाँस्य कलाकार कुमार कट्टेलसँग मेरोलाइफस्टाइलले गरेको कुराकानी:

निषेधाज्ञामा कसरी दिन बिताउनु भएको छ ?

घरमै बसेर परिवारसँग समय बिताइरहेको छु । बिहान उठेर व्यायाम गर्छु, घरको काममा सहयोग गर्छु । कितावहरु पढेर पनि समय बितिरहेको छ । हेर्न मन लागेको तर हेर्न नपाएका फिल्महरु पनि मैले हेर्दैछु ।

कोरोना संक्रमणदेखि कत्तिको डर लागेको छ ?

कोरोनाले पूरै विश्व नै आतंकित भएको बेला मलाई पनि डर त लागेको छ । सामाजिक सञ्जालमा विभिन्न समाचारहरु पढ्यो । संक्रमितहरु दिनदिनै बढेको र मृत्यु दर पनि बढेको समाचारहरुले एक किसिमको त्रास फैलाएको छ । अहिलेको दोस्रो लहरले झन थुप्रैलाई संक्रमित बनाएको छ, यस्तो अवस्थाबाट देश कहिले मुक्त हुन्छ भन्ने चिन्ता लाग्छ ।

बाच्नको लागि कस्तो उपाय अपनाउनु भएको छ ?

हिजो सम्मकोे लागि त सक्कीगोनीको छायाँकन सकियो तर अब के गर्ने भन्ने दुविधा छ । हामी कलाकारहरु बाच्ने भनेको नै अभिनय गरेर हो, तर अहिले कलाकारीता क्षेत्रमा लाग्नेहरुलाई गाह्रो भएको छ । काम नै रोकिएपछि के गर्ने भन्ने चिन्ता त भईहाल्छ । अहिलेसम्म बाच्नकै लागि समस्या त भएको त छैन । निषेधाज्ञा अझै लम्बिने भयो र काम गर्न पाइएन भने गाह्रो पर्ला ।

कोरोनाबाट बच्न तपाईको सुझाव के छ ?

कोरोनाबाट बच्ने सबैभन्दा राम्रो उपाय घरमा बस्ने सामाजिक दूरी कायम गर्ने नै हो । आत्मबल दरो बनाउने, समय समयमा साबुन, पानीले हात धुने सेनिटाइजरको प्रयोग गर्ने लगाएतका कुराहरु गर्नुपर्छ । सामाजिक सञ्जालमा आउने कोरोना सम्बन्धि भ्रम आतंकित बनाउने समाचार पढ्न हुँदैन ।

घरमै बसेर कसरी कसरी दिन बताउन सकिन्छ ?

घरमा बस्दा बिहान व्यायाम गर्ने, आफूलाई अन्य काममा व्यस्त राख्ने गर्नुहोस् । किताव पढ्ने, फिल्महरु हेर्ने र गेमहरु खेलेर पनि समय बिताउन सकिन्छ । यूट्युबमा हेरेर विभिन्न सिपहरु पनि सिक्न सकिन्छ । सामाजिक सञ्जाल मार्फत् साथीभाईलाई सन्चो, बिसन्चो सोध्ने लगायत कार्यहरुमा आफूलाई व्यस्त राख्न सकिन्छ ।



सम्बन्धित खबरहरु

‘द स्कुल वाल’ ले ‘छैटौं नेपाल कल्चरल इन्टरनेशनल फिल्म फेस्टिभलमा उत्कृष्ट राष्ट्रिय बाल चलचित्र पुरस्कार प्राप्त गरेको छ । ऐना

आज सोनाम ल्होसारयसकारण मनाउन थालियो ल्होसार तामाङ समुदायको सांस्कृतिक पर्व सोनाम ल्होसारका अवसरमा सरकारले आज बिहिबार देशभर सार्वजनिक बिदा दिएको छ।समुदायले

हङकङमा तमु व्याडमिन्टन च्याम्पिएनसिप हुने भएको छ । २३ फेब्रवरीका दिन हुने उक्त प्रतियोगितमा तमु व्याडमिन्टन संघले आयोजना गर्न लागेको

एपी शर्माको संगीत र शब्दमा आधारित तथा कैसिलोको स्वर र प्रस्तुति रहेको नयाँ म्युजिक भिडियो “भ्यालेन्टाइन” सार्वजनिक भएको छ।मिस्टर जेसीडीको निर्देशनमा तयार यो म्युजिक भिडियोले प्रेमका भावनालाई आधुनिक शैलीमा प्रस्तुत गरेको छ।   गीतको बोल “भ्यालेन्टाइन” प्रेम, रोमान्स र गहिरो भावनाको समायोजन हो ।   यसले भ्यालेन्टाइन डेको पर्खाइ मात्र नभई, प्रेमलाई दिन विशेष बनाउनेहरेक दिनको महत्त्वलाई व्यक्त गर्दछ। “फेब्रुअरीको पर्खाइ गर्न सक्दिन, मलाई माया गरिदेऊ” भन्ने गीतका शब्दहरूले प्रेमीहरूलाई आफ्नो भावनाहरूखुलस्त रूपमा व्यक्त गर्न प्रेरित गर्ने सन्देश दिन्छ।   गीतमा प्रेम, वफादारी, र रोमान्सको भावना झल्किएको छ नाइजेरियामा छायांकन गरिएको भिडियोको भिजुअल प्रस्तुति गीतकै भावना अनुसारजीवन्त र कलात्मक छ। मुख्य भागहरूमा प्रेममा परेका मानिसहरूको भावनालाई प्रतीकात्मक रूपमा प्रस्तुत गरिएको छ।   म्युजिक भिडियोले उत्कृष्ट छायांकन र निर्देशनमार्फत प्रेम र रोमान्सलाई अझ रोचक बनाएको छ। भिडियोमा आधुनिक शैलीका शब्द र धुनलेयुवाहरूको मन जित्ने प्रयास गरिएको छ।   गीत “एपी म्युजिक” युट्युब च्यानलमा उपलब्ध छ, जसले छोटो समयमा नै दर्शकहरूको मन जित्ने सम्भावना राख्दछ। “भ्यालेन्टाइन” गीतले प्रेमदिवसलाई अझ विशेष बनाउन प्रेरणा दिने अपेक्षा गरिएको छ।   नेपाली डायस्पोराले अंग्रेजी गीत-संगीतमा पनि विश्वब्यापी प्रतिस्पर्धा गर्न सुरु गरेको यो एउटा सकारात्मक संकेत हो, जसले नेपाली कलाकारितालाईअन्तर्राष्ट्रिय स्तरमा थप पहिचान दिलाउन मद्दत पुर्याउनेछ।