राजेश र करिश्मा हल्का–हल्का लजाएर
अभिनेता राजेश हमाल र अभिनेत्री करिश्मा मानन्धरको अभिनय रहेको ‘हल्का–हल्का लजाएर’ बोल गीतको भिडियो सार्वजनिक भएको छ ।
गायिका अन्जु पन्त र गायक निसान भट्टराईको स्वर रहेको गीतको भिडियो इनाक्क्षी युट्युव च्यानलमार्फत बिहीबार सार्वजनिक भएको हो ।
चन्द्र प्रसाईंको शब्द तथा सन्तोष श्रेष्ठको संगीत रहेको गीतमा गोपाल रसाइलीले संगीत संयोजन गरेका हुन् । यस्तै, गीतको मिक्सिङ श्यामश्वेत रसाइलीले गरेका छन् ।
हमाल र मानन्धरसँगै भिडियोमा अभिनेता पल शाह र पुजा शर्माको समेत अभिनय छ । देवेन्द्र पाण्डेको निर्देशन रहेको उक्त भिडियोलाई उत्सव दाहालले छायांकन र विकास दाहालले सम्पादन गरेका हुन् ।
भिडियो:
