वरिष्ठ गायक प्रेमध्वज प्रधानको निधन

वरिष्ठ गायक प्रेमध्वज प्रधानको निधन भएको छ । काठमाडौंको सुन्धरास्थित न्यूरो तथा जनरल अस्पतालमा उनको निधन भएको हो ।

बिहीबार उनको निधन भएको संगीतकार लक्ष्मण शेषले जानकारी दिए । शेषले भने, ‘मलाई भर्खरै भाउजु (प्रधानको श्रीमती) ले उहाँको निधन भएको जानकारी गराउनुभयो ।’

प्रधान ९ दिनअघि कोराना संक्रमित भएसँगै अस्पताल भर्ना भएको अस्पतालले जनाएको छ ।

विसं १९९४ मा सिन्धुपाल्चोकको चौतारामा बुबा रत्नध्वज प्रधान र आमा प्राणदेवी प्रधानको कोखबाट जन्मिएका प्रधानका ‘पर लैजाउ फूलहरु’ ‘घुम्तीमा नआउ है’, ‘तिमीलाई अचेल कहाँ देखुँ’, ‘गोरेँटो यो गाउँको’, लगायतका थुप्रै कालजयी गीत हिट छन् ।