विवाइडीले जोड्यो एघार ठाउँमा डिसी फास्ट चार्जर

विवाइडी नेपालका लागि आधिकारिक वितरक सिमेक्स इङ्कले देशका मुख्य एघार स्थानहरुमा डिसी फास्ट चार्जर जडान गरेको छ । नयाँ जडित चार्जर देशका मुख्य सहर, पोखरा, नेपालगंज, बुटवल, विराटनगर, जनकपुर, नारायणघाट, अनामनगर, मुलकोट, बिर्तामोड, नक्साल र गुह्येश्वरीमा राखिएका छन् । यी चार्ज हरु मध्ये दस चार्जरले ३० किलोवाटको पावर आउटपुट दिने छ भने मुलकोटमा जडित चार्जर ६० किलोवाट रहेको कम्पनीले जनाएको छ ।

सिमेक्सले पहिलेनै विभिन्न स्थानमा जडान गरेका ४० किलोवाटका १४ फास्टचार्जर नेटवर्कलाई थप विस्तार गरेको हो । यी चार्जिङ पुर्वाधारहरुको सर्वसुलभ र व्यापक स्थापनाले, सवारी साधनमा दिगो समाधान खोज्ने प्रतिबद्धतालाई अझै स्पष्ट पारेको कम्पनीको दाबी छ ।

चार्जिङ स्टेसन भएको ठाउँहरु बारे कम्पनीको वेबसाइट http://cimex.com.np/charging–stations मार्फत जानकारी लिन सकिन्छ ।