‘स्ट्रिक्स प्रोफेसनल’ को नयाँ कलेक्सन ‘मर्कुरिअल’ सार्वजनिक
‘स्ट्रिक्स प्रोफेसनल’ले आफ्नो नयाँ कलेक्सन ‘मर्कुरिअल’ सार्वजनिक गरेको छ । यो प्रदर्शनी विशेष गरी सैलुन व्यवसायी र हेयर स्टाइलिस्ट लक्षित गरी आयोजना गरिएको कम्पनीले बताएको छ । सेलिब्रिटी स्टाइलिस्ट विपुल चुदासमाका साथ एक भव्य सोको आयोजना गर्दै स्ट्रिक्स प्रोफेसनलले आफ्नो नयाँ कलेक्सनहरु सार्वजनिक गरेको हो । कपालको हेरचाहका लागि सैलुन व्यवसायी र हेयर स्टाइलिस्ट माझ प्रख्यात स्ट्रिक्स प्रोफेसनलले मर्कुरिअल कलेक्सन विशेष रहेको बताएको छ ।
यसले दिक्क लाग्दो, साधारण र एकोहोरो जीवनको मनस्थितिलाई रोमान्चक, अनुपम र फरक सम्भावनाका तहमा लैजाने र यसैलाई कपालको कटाइ, रङ्ग र स्टाइल झल्काउने दाबी गरेको छ । स्ट्रिक्सको अन्य कलेक्सनमा सुपरर्चाज्ड, नेचुरल मी र अदरवाइज लगायत रहेका छन् । स्ट्रिक्स प्रोफेसनलकी विभागीय प्रमुख रोसेल छाबराले ब्रान्डसँग विभिन्न उत्कृष्ट रोजाइ रहेको बताइन । कार्यक्रममा स्ट्रिक्स प्रोफेसनलका विभिन्न उत्पादनबाट सृजित केशसज्जाका संग्रहहरू समेत प्रस्तुत गरिएको थियो ।
