राष्ट्रिय क्रिकेट टीम हाइपरफरमेन्स क्याम्पका लागि नागपुरमा
नेपाली राष्ट्रिय क्रिकेट टिम यतिबेला भारतको नागपुरस्थित राजस्थान रोयल्सको एकेडेमीमा हाई परफरमेन्स प्रशिक्षण गरिरहेको छ । टी२० विश्वकपको एशिया क्षेत्र छनौटको तयारी स्वरुप टिम भारत पुगेको हो ।
१९ औं एसियाली खेलकुद एसियाड खेलेर स्वदेश फर्किएको भोलिपल्टै टोली नागपुर प्रस्थान गरेको हो । । एशियन गेम्स खेल्ने टीममा नपरेका केहि खेलाडी भने त्यसअघि नै नागपुर पुगिसकेका थिए ।
नेपालले आइसिसी ती (२० विश्वकप एसिया क्षेत्र छनोट कार्तिक १३ देखि २० गते सम्म काठमाडौँमै खेल्दै छ । समूह ए मा नेपाल, सिंगापुर, ओमान र मलेसिया छन् । समूह बी मा युएई, बहराइन, हङकङ र कुवेत छन् । फाइनलमा पुग्ने दुई टोलीले आगामी वर्ष अमेरिका र वेस्टइन्डिजमा हुने टी( २० विश्वकपमा छनौट हुने छन् । नेपाललाई यस छनौट प्रतियोगिताको उपाधिको प्रमुख दाबेदार मानिएको छ । विश्वकप छनोट अघि नेपालले युएई र हङकङसहित त्रिकोणात्मक टी २० सिरिज खेल्नेछ ।
