२०७२ मा महाभूकम्प गयो । सारा बस्ती ढले, कयौँ मानिस घरबार विहीन भए । त्यहीबेला भूकम्पले ढलाएका बस्ती र मन उठाउने अठोटका साथ वि विल राइज फाउन्डेसनको जन्म भयो । यही फाउन्डेसनको पहलमा भूकम्पले ढलेका बस्ती उठे, विद्यालय ठडिए । यति मात्र होइन नेपालका कुना काप्चामा रहेका पर्यटकीय स्थलको उजागर गर्न ‘मेरो गाउँ मेरो ठाउँ’ भिडियो च्यालेन्ज पनि यही फाउन्डेसनले सुरु गर्यो । त्यसबाहेक पनि फाउन्डेसनले कोरोना काल तथा बाढी पहिरो लगायतका समस्यामा विभिन्न सहयोग गर्दै आएको छ ।
पोखरा आफैमा सुन्दर सहर हो । प्राकृतिक सम्पदाले सु–सम्पन्न पोखरालाई पोखरा म्याराथनले अझै उचाइमा पुर्याएको छ । म संस्थाको तर्फबाट र व्यक्तिगत रूपमा नगद पाँच लाख रुपैयाँ सहयोगको घोषणा गर्न चाहन्छु ।
यसैबीच, पोखरा म्याराथनलाई फाउन्डेसनले नगद पाँच लाख रुपैयाँ सहयोग गर्ने भएको छ । पोखरा म्याराथनले विश्वमा नै खेलकुद मार्फत प्रवर्द्धन गर्न महत्त्वपूर्ण भूमिका निर्वाह गरेको फाउन्डेसनका अध्यक्ष तुलसी कुमार गुरुङले बताए । ‘पोखरा आफैमा सुन्दर सहर हो । प्राकृतिक सम्पदाले सु–सम्पन्न पोखरालाई पोखरा म्याराथनले अझै उचाइमा पुर्याएको छ । म संस्थाको तर्फबाट र व्यक्तिगत रूपमा नगद पाँच लाख रुपैयाँ सहयोगको घोषणा गर्न चाहन्छु ।’ वि विल राइज फाउन्डेसन र पोखरा म्याराथनले पोखरा प्रवर्द्धनका लागि संयुक्त रूपमा पहल गर्न आफूले सहयोगको घोषणा गरेको बताउँदै यो सहयोगलाई निरन्तरता दिने समेत अध्यक्ष गुरुङले बताए ।
हङकङ राष्ट्रिय तेक्वान्दो टिमका प्रशिक्षक समेत भइसकेका गुरुङले नेपाल भूतपूर्व खेलाडी मञ्चको अभियानसँगै हङकङमा मञ्चको आजीवन सदस्य बनाउने अभियानमा समेत आफूले सहयोग गर्ने प्रतिबद्धता जनाए । हङकङमा आयोजना हुने हङकङ म्याराथनमा पोखरा म्याराथनको विजेता नेपाली खेलाडीको सहभागिताका लागि आफूले पहल गर्ने उनले बताए । मञ्चका निवर्तमान अध्यक्ष तेज बहादुर गुरुङले उनले गरेको सहयोग प्रति आभार व्यक्त गरे ।
१८ औँ संस्करणको पोखरा अन्तर्राष्ट्रिय म्याराथन आगामी फागुन ५ गते हुने छ । म्याराथनमा सहभागिता जनाउन केही अन्तर्राष्ट्रिय धावकहरूले नाम दर्ता समेत गरिसकेको मञ्चका सचिव केशव पाठकले जनाएका छन् ।
आज सोनाम ल्होसारयसकारण मनाउन थालियो ल्होसार तामाङ समुदायको सांस्कृतिक पर्व सोनाम ल्होसारका अवसरमा सरकारले आज बिहिबार देशभर सार्वजनिक बिदा दिएको छ।समुदायले
एपी शर्माको संगीत र शब्दमा आधारित तथा कैसिलोको स्वर र प्रस्तुति रहेको नयाँ म्युजिक भिडियो “भ्यालेन्टाइन” सार्वजनिक भएको छ।मिस्टर जेसीडीको निर्देशनमा तयार यो म्युजिक भिडियोले प्रेमका भावनालाई आधुनिक शैलीमा प्रस्तुत गरेको छ। गीतको बोल “भ्यालेन्टाइन” प्रेम, रोमान्स र गहिरो भावनाको समायोजन हो । यसले भ्यालेन्टाइन डेको पर्खाइ मात्र नभई, प्रेमलाई दिन विशेष बनाउनेहरेक दिनको महत्त्वलाई व्यक्त गर्दछ। “फेब्रुअरीको पर्खाइ गर्न सक्दिन, मलाई माया गरिदेऊ” भन्ने गीतका शब्दहरूले प्रेमीहरूलाई आफ्नो भावनाहरूखुलस्त रूपमा व्यक्त गर्न प्रेरित गर्ने सन्देश दिन्छ। गीतमा प्रेम, वफादारी, र रोमान्सको भावना झल्किएको छ नाइजेरियामा छायांकन गरिएको भिडियोको भिजुअल प्रस्तुति गीतकै भावना अनुसारजीवन्त र कलात्मक छ। मुख्य भागहरूमा प्रेममा परेका मानिसहरूको भावनालाई प्रतीकात्मक रूपमा प्रस्तुत गरिएको छ। म्युजिक भिडियोले उत्कृष्ट छायांकन र निर्देशनमार्फत प्रेम र रोमान्सलाई अझ रोचक बनाएको छ। भिडियोमा आधुनिक शैलीका शब्द र धुनलेयुवाहरूको मन जित्ने प्रयास गरिएको छ। गीत “एपी म्युजिक” युट्युब च्यानलमा उपलब्ध छ, जसले छोटो समयमा नै दर्शकहरूको मन जित्ने सम्भावना राख्दछ। “भ्यालेन्टाइन” गीतले प्रेमदिवसलाई अझ विशेष बनाउन प्रेरणा दिने अपेक्षा गरिएको छ। नेपाली डायस्पोराले अंग्रेजी गीत-संगीतमा पनि विश्वब्यापी प्रतिस्पर्धा गर्न सुरु गरेको यो एउटा सकारात्मक संकेत हो, जसले नेपाली कलाकारितालाईअन्तर्राष्ट्रिय स्तरमा थप पहिचान दिलाउन मद्दत पुर्याउनेछ।
