कमला बोहरा खत्रीको ‘परदेशी चेलीको तीज’ (भिडियो पनि)

गायिका सुनिता दुलालको स्वरमा सजिएको ‘परदेशी चेलीको तीज’ बोलको तीज गीत सार्वजनिक भएको छ । कमला बोहरा खत्रीको शब्द रहेको उक्त गीत कमला खत्री युट्युब च्यानलमार्फत आइतबार सार्वजनिक भएको हो ।

गीतमा परदेशमा रहेका छोरीहरूको कथालाई प्रस्तुत गरिएको छ । परदेशमा रहेकी चेलीले तीज आएपछि आफ्नो माइती घर र नेपाललाई कसरी सम्झिन्छिन् भन्ने कुरा भिडियोमा देखाइएको छ ।

सुमन आशिशितको संगीत तथा बिबि अनुरागीको संगीत संयोजन रहेको उक्त गीतको निर्देशन, सम्पादन तथा छायाङ्कन कुशल श्रेष्ठले गरेका हुन् ।

भिडियोमा गायिका दुलाल तथा गीतकार कमला खत्रीसँगै उदयी बहादुर गुरुङ, मिश्र गुरुङ, युवराज खत्री, यशोदा पुन, सानु सुब्बा, बबिता सेवा, रिता मगर, पूजा पाण्डे, रुपा स्ठा, सम्झना पाण्डे लगायतको अभिनय रहेको छ ।

भिडियो :

यो पनि…
सुनिताको ‘पियारी’ विमोचन (फोटो फिचर)
सुनिताको ‘यो रमाइलो तिजैमा’ करिश्मा र अञ्जलीको ठुम्का (भिडियो पनि)