दाल र भातको सेवनले तौल घटाउन सकिन्छ

नेपाल तथा भारतलगायतका देशमा प्रायः सबै घरपरिवारको भान्सामा दाल र भात बनाइन्छ । दैनिक खानामा दाल भात सबैभन्दा लोकप्रिय छ। स्वादका हिसाबले दाल भात स्वादिष्ट हुन्छ भने स्वास्थ्यका लागि पनि दाल भातलाई स्वास्थ्यकर खानामा समावेश गर्न सकिन्छ । विज्ञहरूका अनुसार दाल र भात बालबालिकाको वृद्धिका लागि फाइदाजनक हुन्छ । यस्तो अवस्थामा बालबालिकालाई दाल र भात खुवाउन सल्लाह दिइन्छ । यस बाहेक दाल र भात खानुका धेरै स्वास्थ्य लाभहरू छन्। दाल भात वयस्क र बालबालिकाको स्वास्थ्यका लागि राम्रो मानिन्छ । दालमा धेरै पोषक तत्त्वहरू पाइन्छ, जसले शरीरलाई ऊर्जा प्रदान गर्नुका साथै रोग प्रतिरोधात्मक क्षमतालाई पनि राम्रो बनाउँछ। तौल नियन्त्रण गर्न चाहने वा तौल घटाउन चाहनेले पनि दाल भात खानुपर्छ । बालबालिकाको वृद्धिदेखि वृद्ध वृद्धाको स्वास्थ्यका लागि दाल भात कसरी यति पौष्टिक हुन्छ ? दाल र भात कसरी सेवन गर्ने भन्नेबारे जान्नुहोस् विज्ञको सल्लाह ।

दालमा पाइने पोषक तत्त्व

दाल स्वास्थ्यको लागि एक खजाना हो। दालमा फाइबर, बी भिटामिन, म्याग्नेसियम, जिङ्क र पोटासियम प्रचुर मात्रामा पाइन्छ । यी सबै पोषक तत्त्वहरू शरीरको लागि आवश्यक छन् । दालमा बोसो निकै कम हुन्छ । खनिज, भिटामिन, एन्टिअक्सिडेन्ट र फाइबरले प्रशस्त मात्रामा पाचनमा मद्दत गर्छ । दाल पचाउन निकै सजिलो हुन्छ । यसका साथै दाल खाँदा लामो समयसम्म पेट भरिएको महसुस हुन्छ । भोक नलाग्ने कारणले बढी क्यालोरी लिने चिन्ता हुँदैन र तौल नियन्त्रणमा रहन्छ ।

चामलमा पाइने पोषक तत्त्व

दाल जस्तै चामलमा पनि प्रशस्त मात्रामा पोषक तत्त्व पाइन्छ । यसमा सोडियम, पोटासियम, कार्बोहाइड्रेट, प्रोटिन, फाइबर, म्याग्नेसियम, आइरन, क्याल्सियम पाइन्छ । भात खाँदा शरीरलाई ऊर्जा मिल्छ । चामलमा न त हानिकारक बोसो हुन्छ न त कोलेस्ट्रोल र सोडियम । भात सन्तुलित आहार हो । तौल घटाउन ब्राउन राइस पनि खान सकिन्छ ।

तौल घटाउन दाल र भातको सेवन

तौल घटाउन खोज्नेहरूले खानपानमा विशेष ध्यान दिने गर्छन् । भात खाँदा तौल बढ्छ भन्ने धेरैको विश्वास छ । तर दाल र भात सही तरिकाले र समयमै सेवन गर्नाले तौल घटाउन सकिन्छ । दाल चामल कम्बो धेरै स्वस्थ छ।

–विज्ञका अनुसार रातिको खानामा एक महिनासम्म दाल र चामल सामान्य मात्रामा खाइयो भने यसको प्रभाव देखिन थाल्छ ।
–दाल र भात खाँदा ख्याल राख्नुहोस् दाल धेरै मात्रामा र भात थोरै मात्रामा खानुपर्छ ।
–दाल–चामलको कम्बोमा घिउ थप्दा यसलाई सन्तुलित आहार बनाउँछ । घिउमा भिटामिन ए, डी, ई र के पाइन्छ, जुन स्वास्थ्यका लागि फाइदाजनक हुन्छ।

यो पनि…
उहिले र अहिलेको दर
यी ८ नायिका जसको करिअर सञ्चार क्षेत्रबाट सुरु भयो