साउन महिनामा भगवान शिवसँग सम्बन्धित यी अचुक उपाय

पवित्र साउन महिना सुरु भएको छ । यो महिना भगवान शिवलाई प्रिय मानिन्छ । मान्यता अनुसार यस महिनामा भगवान् शिव र माता पार्वतीको विधिवत् पूजा गर्नाले जीवनका सबै दुःख–कष्टहरू हटेर भगवान् शिवले भक्तजनलाई मनोकामना फल पनि प्रदान गर्ने जनविश्वास रहेको छ । यसैबीच, वातावरणमा सकारात्मक ऊर्जा पनि रहन्छ । वास्तु शास्त्रमा साउन महिनाका लागि केही विशेष उपायहरू पनि उल्लेख गरिएको छ, जसलाई अपनाउनाले दोब्बर फल प्राप्त हुन्छ र व्यक्तिको सौभाग्य बढ्छ । यस बाहेक तपाईँको घरमा सुख पनि आउँछ ।

मुख्य ढोकामा यो चिन्ह बनाउनुहोस्

साउन महिनामा घरको मुख्य ढोकामा गंगा जल छर्कनुहोस् । त्यसपछि ढोकाको फ्रेममा स्वस्तिकको प्रतीक बनाउनुहोस्। स्वस्तिक बनाएपछि घरको दुवै छेउमा घ्यूको दियो बाल्नुहोस् । त्यसपछि भगवान् शिवको मन्दिरमा जानुहोस् र पूजा गर्नुहोस्। जनविश्वासका अनुसार यसले तपाईँको घरमा समृद्धि र सकारात्मकता ल्याउनेछ ।

बेलपत्र

साउन महिनामा तुलसी र बेलपत्र रोप्नु निकै शुभ मानिन्छ । यो बिरुवा घरको उत्तर दिशामा रोप्न सक्नुहुन्छ। यसो गर्दा घरको गरिबी हट्छ । यसका साथै साउन महिनामा यसको नियमित पूजा गर्नाले सौभाग्यको वृद्धि हुनुका साथै धनको पनि वृद्धि हुन्छ । यसबाट भगवान् शिवको साथै माता लक्ष्मीको कृपा प्राप्त हुन्छ।

रुद्राक्ष

शिवलिंगको पूजा गर्नुअघि शिवलिंगको नजिक रुद्राक्ष राख्नुपर्छ । यसपछि पूर्ण विधिपूर्वक जलाभिषेक गरी भगवान् शिवको पूजा गर्नुहोस् । पूजा गरेपछि रुद्राक्षलाई घरमा ल्याएर तिजोरी वा आलमारीमा राख्नुहोस् । यसो गर्दा तपाईँको घरमा कहिल्यै पैसाको कमी हुँदैन र धन आउने सम्भावना रहन्छ ।

यहाँ शिवलिंग राख्नुहोस्

साउन महिनामा घरमा शिवलिंग राख्नुहुन्छ भने उत्तर–पूर्व दिशामा राख्नुहोस्। यो दिशालाई शिवलिंग राख्नको लागि शुभ मानिन्छ। यहाँ शिवलिंग राख्नाले घरमा सकारात्मक ऊर्जा आउँछ ।

तुलसीको बोट

घरमा तुलसीको बिरुवा रोप्दा सुख, शान्ति र सकारात्मकता प्राप्त हुन्छ भने साउन महिनामा यो बिरुवा लगाउनु निकै शुभ मानिन्छ । घरको उत्तर वा पूर्व दिशामा तुलसीको बिरुवा लगाउन सक्नुहुन्छ । नियमित पूजा गर्दा सौभाग्य बढ्छ । तर भगवान् शिवको पूजामा तुलसीको प्रयोग गर्नु हुँदैन । बिहान र साँझ नियमित रूपमा यसको पूजा गर्नुहोस् ।

यो पनि…
घरमा रोप्नुहोस् यी औषधीय गुण भएका बिरूवाहरू
पुरानो सामानबाट नयाँ सजावट