हरेक व्यक्तिले यी योगासन गर्नुपर्छ

अन्तर्राष्ट्रिय योग दिवस २१ जुनमा मनाइन्छ। योगले शरीर र मानसिक स्वास्थ्यमा सुधार गर्छ। योगको नियमित अभ्यासले धेरै रोगबाट बचाउँछ र रोगका लक्षणहरू कम गर्न सकिन्छ। योगका फाइदाबारे सबैलाई सचेत गराउने उद्देश्यले योग दिवस मनाइन्छ ।

विभिन्न स्वास्थ्य समस्यामा गर्न सकिने योगासनका धेरै प्रकारका बारेमा विशेषज्ञहरू बताउँछन् । धेरै आसन बाहेक, प्राणायाम, मुद्राहरू पनि छन्। यी सबैले स्वास्थ्यलाई फाइदा पुर्याउँछन् । यद्यपि, यदि तपाईँ पहिलो पटक योग गर्दै हुनुहुन्छ भने, तपाईँले केही विशेष योगासनको बारेमा जान्नुपर्दछ। यी ८ योग आसनहरू नयाँ योगीहरूका लागि प्रभावकारी छन्, जुन सबै उमेरका मानिसहरूले गर्न सक्छन्, चाहे तिनीहरू पुरुष होस् वा महिला। जानौँ ८ योगासनका बारेमा।

सर्वाङ्गासन

यस आसनको अभ्यासले रक्तसञ्चार नियन्त्रित हुन्छ, थाइराइड ग्रन्थि स्वस्थ रहन्छ । कब्जियत कम गर्छ, कपाल झर्ने कम गर्छ, तनाव स्तर कम गर्छ। निद्राको गुणस्तर सुधार गर्दछ। स्वस्थ हर्मोन सन्तुलन साथै तौल व्यवस्थापनलाई बढवा दिन्छ।

गोमुखासन

गोमुखासनको अभ्यास उच्च रक्तचापको गुनासो, काँधको कडापन, मेरुदण्डको लम्बाइ, गलत स्थिति सच्याउन, तनाव र चिन्ता कम गर्न, र पछाडिको मांसपेशी बलियो बनाउन प्रभावकारी छ।

सेतुबन्धासन

सेतुबन्धासनले मेरुदण्ड बलियो बनाउँछ। यस आसनको अभ्यासले छाती, घाँटी र मेरुदण्डमा तनाव ल्याउँछ र दिमागलाई शान्त राख्न, तनाव र हल्का अवसाद कम गर्न पनि मद्दत गर्दछ। सेतुबन्धासनले पाचन क्रिया सुधार गर्छ। पेटको अङ्ग, फोक्सो र थाइरोइडलाई पनि उत्तेजित गर्छ।

मार्जरी पोज

मार्जरी आसनको अभ्यास धेरै प्रकारका पेट समस्याहरू, पेटका अङ्गहरूको मालिस गर्न र कब्जियत हटाउने आदिमा प्रभावकारी हुन्छ। आन्द्रालाई स्वस्थ राख्न र पेट फुल्ने समस्याबाट छुटकारा पाउन पनि मार्जोरी योग लाभदायक हुन्छ । पेट, ढाड र मेरुदण्डको समस्याबाट छुटकारा पाउन यो योग नियमित अभ्यास गर्न सक्नुहुन्छ।

अधोमुख स्वानासन

तपाईँले नियमित रूपमा अधोमुख स्वानासन अभ्यास गर्नुपर्छ। यस आसनको अभ्यासले टाउको दुख्ने, अनिद्रा, ढाड दुख्ने र थकानबाट राहत दिन्छ। हात र खुट्टा बलियो बनाउन मद्दत गर्छ, काँध, बाछो र हात फैलाउँछ। यो योग आसन पाचन सुधार गर्न प्रभावकारी छ।

पश्चिमोत्तनासन

यो आसन तनाव कम गर्न, पेटको बोसो हटाउन, हड्डीहरूलाई लचिलो बनाउन, राम्रो पाचनका लागि र अनिद्राको समस्यालाई हटाउन प्रभावकारी हुन्छ।

अनुलोम–विलोम प्राणायाम

आसनसँगै प्राणायाम पनि फाइदाजनक हुन्छ । योगीले नियमित अनुलोम विलोम प्राणायामको अभ्यास गर्नुपर्छ। अनुलोम विलोम प्राणायामको अभ्यासले टाउको दुखाइ–माइग्रेनबाट राहत दिन्छ। यसको नियमित अभ्यासले निद्राको गुणस्तर सुधार गर्न, डिप्रेसन, तनाव र चिन्ता कम गर्नका साथै दम, ब्रोन्काइटिस जस्ता श्वासप्रश्वाससम्बन्धी विकारहरूको उपचार गर्न उपयोगी हुन्छ।

कपालभाती प्राणायाम

कपालभाती प्राणायाम मेटाबोलिज्म प्रक्रिया सुधार गर्न, तौल घटाउन, शरीरका सबै नाडीहरू शुद्ध गर्न, पेटका मांसपेशीहरूलाई बलियो बनाउन प्रभावकारी हुन्छ। यस प्राणायामको अभ्यासले शरीरमा रक्तसञ्चार ठिक रहन्छ र अनुहारमा चमक बढ्छ।

यो पनि…
यी हुन् रक्तदान गर्नुका ५ फाइदा
यस्ता छन् गर्भावस्थामा वजन बढ्नुको कारण