जसको बारेमा तपाईँलाई थाहा नहुन सक्छ
संसारभरि अनगिन्ती रहस्यमय ठाउँहरू छन्, जसको बारेमा सबैलाई थाहा छैन। आज हामी तपाईँलाई संसारका केही यस्ता ठाउँको बारेमा बताउन गइरहेका छौँ । जसको बारेमा तपाईँले सायदै सुन्नु भएको होला । जसमा यस्तो ठाउँ पनि समावेश छ, जहाँ मानिस गएर आत्महत्या गर्छन्, त्यहाँ सर्प मात्रै पाइन्छ । हामी तपाईँलाई त्यस्तै संसारका अनौठो ठाउँहरूको बारेमा जानकारी दिन्छौँ।
सुसाइड फरेस्ट ओकिगाहारा, जापान
सुसाइड फरेस्ट जापानको ओकिगाहारामा अवस्थित छ। जहाँ सन् २००२ मा ७८ जनाले आत्महत्या गरेका थिए । जापानको पुरातन किंवदन्ती अनुसार, एक पटक पुरातन जापानका केही मानिसहरूले आफैँलाई खुवाउन नसक्ने भएपछि उनीहरूलाई ओकिगाहाराको यो जंगलमा छाडिएको थियो। जहाँ सबै जना भोक र तिर्खाले मरे । ओकिगाहारा जंगल जापानको माउन्ट फुजीको फेदमा अवस्थित छ। यो जंगललाई विश्वभर सुसाइड फरेस्ट भनेर चिनिन्छ ।
यहाँ आएपछि यस जंगलमा घुम्न आउनेले आत्महत्या गरेको जनविश्वास छ । हरेक वर्ष स्थानीय प्रहरीले यस जंगलमा आत्महत्या गर्नेको शव निकाल्ने अभियान चलाउने र त्यसपछि शव निकाल्ने गरेको बताइन्छ ।
फ्रान्सेली क्याटाकम्ब्स
फ्रेन्च क्याटाकम्ब्स नामको यो ठाउँ फ्रान्सको राजधानी पेरिसमा छ। जसलाई जमिनबाट २० मिटर गहिराइमा डिजाइन गरिएको हो । यस ठाउँलाई मानिसहरूले चिहानको तहखानेको नामले चिन्छन्। यो ठाउँमा ६० लाख शवलाई सजाइएको छ । यस तहखानेमा मृतकको हड्डी र खोपडीबाट करिब दुई किलोमिटर लामो पर्खाल बनाइएको छ ।
स्न्याक आइल्याण्ड, ब्राजिल
स्न्याक आइल्याण्ड ब्राजिलमा अवस्थित छ, यसलाई साओ पालो आइल्याण्ड भनिन्छ। यो एक रहस्यमय ठाउँ हो किनभने यस टापुमा दुई हजार होइन लाखौँ सर्पहरू जन्मिएका छन्। यस टापुमा मानिसहरूलाई पूर्ण रूपमा प्रतिबन्ध लगाइएको छ। यस टापुमा सर्पको सङ्ख्या लगातार बढिरहेको छ। यहाँ हरेक वर्ग मिटरमा पाँच वटा सर्प छन् । यस टापुमा बस्ने सर्पहरू संसारको सबैभन्दा खतरनाक सर्पहरू मध्ये एक हो।
यो पनि…
यस तालबाट बिहानै आउँछ डरलाग्दो आवाज
यी हुन् विश्वका अचम्मका अन्तर्राष्ट्रिय सिमाना
