म्याग्दीस्थित अन्नपूर्ण हिमालको दोस्रो आधार शिविरबाट उद्धार गरिएका भारतीय पर्वतारोही अनुराग मालुको स्वास्थ्यस्थित बिस्तारै सुधारोन्मुख हुँदै छ । तर उनको अवस्था भने अझै गम्भीर रहेको उनका भाइ आषिश मालुले आइतबार काठमाडौँस्थित होटल एलफ्टमा आयोजित पत्रकार सम्मेलनमा बताएका हुन् ।
अनुराग गत अप्रिल १७ मा विश्वको १० औँ अग्लो अन्नपूर्ण हिमालको आधार शिविर फर्कने क्रममा खाल्डोमा खसेका थिए । अप्रिल २० मा अन्नपूर्ण हिमालको ७० मिटर गहिरो खाडलबाट चार घण्टा लामो प्रयासपछि उनको उद्धार गरिएको थियो ।पोखराको मणिपाल अस्पतालका डा असीम सुवेदीले अनुरागलाई तीन घण्टासम्म सिपिआर दिएपछि थप उपचारका लागि हेलिकप्टरबाट ललितपुरस्थित नेपाल माडिसिटी अस्पताल लगिएको थियो ।
डाक्टरले उनलाई सिपिआर दिएर तीन घण्टासम्म सक्दो प्रयास गरे, जसले उनको पुनरुत्थान भयो, यो हाम्रो लागि राहतको सङ्केत हो । त्यहाँ यति धेरै भावनाहरू थिए कि म वास्तवमा व्यक्त गर्न सक्दिन।
कसैलाई तीन घण्टापछि जीवित पार्नु आफैँमा चमत्कार भएको आषिशले बताए । ‘डाक्टरले उनलाई सिपिआर दिएर तीन घण्टासम्म सक्दो प्रयास गरे, जसले उनको पुनरुत्थान भयो र यो हाम्रो लागि राहतको सङ्केत हो,’ आशिषले भने, ‘त्यहाँ यति धेरै भावनाहरू थिए कि म वास्तवमा व्यक्त गर्न सक्दिन।’
हामीले प्रतिक्रिया पाउने आशामा उहाँलाई सहयोग गर्ने र बोलाउने प्रयास गरे पनि यो सजिलो थिएन र उहाँ देखिनु भएन ।
अप्रिल १६ मा शिखरमा पुगेपछि भोलिपल्ट तल्लो शिविरमा जाँदै गर्दा अनुराग हिमालबाट तल झर्ने क्रममा खाडलमा खसेको घटनाका प्रत्यक्षदर्शी ब्राजिलियन पर्वतारोही मोसेसले बताए । ‘हामीले प्रतिक्रिया पाउने आशामा उहाँलाई सहयोग गर्ने र बोलाउने प्रयास गरे पनि यो सजिलो थिएन र उहाँ देखिनु भएन ।’ उनले भने।
खोजीको क्रममा हिम पहिरोले हामीलाई आफ्नै ज्यान जोगाउन भाग्न बाध्य बनायो र त्यो दिनको लागि खोजी कार्य स्थगित गरियो।
यसैबीच अनुरागसँगै आएका अर्का शेर्पाले क्याम्प २ मा रहेका सेभेन समिट ट्रेकका लागि अभियान गाइड छेपाल शेर्पालाई रेडियो मार्फत दुर्घटना भएकाको जानकारी दिए। ‘मैले हाम्रो अभियान टोलीका अरू केही सदस्यहरूलाई रेडियोबाट सम्पर्क गरेँ र उनीहरूलाई घटनास्थल नजिकै डोरीहरू ल्याउन आग्रह गरेँ।’ छेपालले भने, ‘हामीसँग डोरी र उपकरण कम थियो, हामीले अर्को व्यक्तिलाई क्याम्प ३ बाट डोरी ल्याउन अनुरोध गर्यौं। खोजीको क्रममा हिम पहिरोले हामीलाई आफ्नै ज्यान जोगाउन भाग्न बाध्य बनायो र त्यो दिनको लागि खोजी कार्य स्थगित गरियो।’
त्यसको भोलिपल्ट आधार शिविरबाट अन्य घाइते पर्वतारोहीलाई हेलिकप्टरमा ल्याउने कामलाई प्राथमिकतामा राखेर बेपत्ता आरोहीको खोजी कार्य जारी राखिएको थियो । पाकिस्तानी पर्वतारोही सेहरोज काशिफ, नाइला कियानी र भारतीय आरोही अर्जुन वाजपेईलाई अन्नपूर्णबाट ओर्लने क्रममा बिरामी परेपछि क्याम्प ४ बाट बाहिर निकालिएको थियो । अन्नपूर्ण हिमालको क्याम्प ४ माथिबाट बेपत्ता भएकी अर्की भारतीय महिला आरोही बलजीत कौरको पनि ७ हजार ३ सय ६३ मिटर उचाइबाट अप्रिल १८ मा जीवितै उद्धार गरिएको थियो ।
२० अप्रिलको बिहान, उद्धार टोली बेपत्ता अनुरागको खोजीमा खाडलमा प्रवेश गर्यो। उद्धार टोलीमा एसएसटीका टासी शेर्पा, छेपाल शेर्पा, लाक्पा नुरबु शेर्पा, दावा नुरबु शेर्पा, र लाक्पा शेर्पा र प्रख्यात पोल्यान्डका अल्पाइनिस्ट एडम बिलेक्की र उनका सँगी आरोही मारिउज हताला पनि अनुरागको खोजी तथा उद्धार टोलीमा सामेल भएका थिए ।
हिम पहिरोको रेखदेख गर्न लाक्पा शेर्पालाई खटाइएको थियो । अन्ततः बिहीबार टासी शेर्पा र बिलेक्कीले अनुरागलाई खाडलबाट सफलतापूर्वक बाहिर निकाले ।
अमेरिकाको ४७ औं राष्ट्रपतिमा रिपब्लिकन उम्मेदवार डोनाल्ड ट्रम्प फेरि निर्वाचित भएका छन् । ट्रम्पले डेमोक्र्याटिक्स पार्टीकी उम्मेदवार कमला ह्यारिसलाई पराजित
