‘बेटर होम अप्लायन्स’ले उत्कृष्ट विक्रेतालाई थाइल्याण्ड पठायो

घरयासी प्रयोगका विद्युतीय सामान उत्पादक ‘बेटर होम अप्लायन्सेस’ले आफ्ना दर्जनौ विक्रेतालाई थाइल्याण्ड भ्रमण उपहार दिएको छ । रवि एण्ड सन्नी इण्डस्ट्रिज प्रा. लि. अन्तर्गतको ईलेक्ट्रोनिक र होम अप्लायन्स ब्रान्डले आफ्नो सबैभन्दा बढी सामान विक्री गर्ने उत्कृष्ट रिटेलरहरूलाई थाइल्याण्डको पाँच दिने भ्रमणमा पठाएको हो ।

गत आर्थिक वर्षमा सबैभन्दा धेरै सामान बेच्ने रिटेलरहरूलाई प्रोत्साहन स्वरुप थाइल्याण्ड यात्रा पुरस्कारको रुपमा दिइएको कम्पनीले बताएको छ । अहिलेको कठिन आर्थिक अवस्थाका बावजुद, बेटरले आफ्ना रिटेलरहरूलाई आगामी वर्ष अझ राम्रो विक्री गरुन र अगाडि बढुन भनेर प्रोत्साहन र प्रेरणाको रूपमा यात्रा प्रस्ताव गरेको बेटर होमका सह–संस्थापक र सीओओ सन्नी रौनियारले बताए ।

हामी आफ्नो रिटेलरहरूलाई उत्थान गर्न चाहन्छौं र विश्वास दिन चाहन्छौं । उहाँहरूबाट यस्तो समर्पण पाएकोमा हामी हाम्रो कृतज्ञता देखाउन चाहन्छौं।

‘हामी आफ्नो रिटेलरहरूलाई उत्थान गर्न चाहन्छौं र विश्वास दिन चाहन्छौं । उहाँहरूबाट यस्तो समर्पण पाएकोमा हामी हाम्रो कृतज्ञता देखाउन चाहन्छौं।’ रौनियारले भने । बेटर होम अप्लायन्सेस नेपालमा इलेक्ट्रोनिक्स सामान उत्पादन गर्ने उद्योग हो । पोखरामा कर्पोरेट कार्यालय राखेको कम्पनीले वीरगंजमा उद्योग स्थापना गरेको छ । कम्पनीले प्रेसर कुकर, राईस कुकर, आईरन, ईन्डक्सन चुल्हो, ईन्फ्रारेड चुल्हो, ईलेक्ट्रिक जग, हिटर, पंखा लगायतका घरयासी सामान उत्पादन गर्दै आएको छ ।

याे पनि…
स्वदेशमै अन्तर्राष्ट्रिय शिक्षा दिने नेपालको पहिलो आईबी स्कूल
अरूको उपचार गर्ने वैद्यखाना आफैँ विरामी