सुन्दर छालाको लागि उपयोगी टमाटर
पछिल्लो समय जसरी मानिसको जीवनशैली बिग्रिएको छ, त्यसको प्रत्यक्ष असर उनीहरूको शरीरमा परेको छ । बाहिरबाट आएका खानेकुराका कारण मानिसको अनुहार र छालासँग सम्बन्धित धेरै प्रकारका समस्याहरू आउन थालेका छन् । जसबाट छुटकारा पाउन मानिसहरू पार्लरमा गएर हजारौँ रुपैयाँ खर्च गर्छन् । तर, के तपाईँलाई थाहा छ केही यस्ता कुराहरू छन् जसको प्रयोग गरेर तपाई घरमै सुन्दर छाला पाउन सक्नुहुन्छ । यी चीजहरूमा टमाटर पनि समावेश छ।
वास्तवमा, टमाटर यस्तो तत्त्व हो, जुन हरेक घरमा प्रयोग गरिन्छ। यसको प्रयोगले खानाको स्वाद धेरै गुणा बढाउँछ। यसमा पाइने भिटामिन सी र लाइकोपीनले छालाको रङ निखार्न काम गर्छ । यसै कारण आज हामी तपाईँलाई टमाटरको प्रयोग गर्ने केही यस्ता उपायहरू बताउनेछौ जसको मद्दतले तपाईँको अनुहार अझ सुन्दर देखिनेछ । तपाईँले आफ्नो छाला हेरचाहमा यी विधिहरू समावेश गर्न सक्नुहुन्छ।
टमाटर आइस क्यूब्स बनाउनुहोस्
टमाटरको आइस क्यूब बनाउनको लागि टमाटरको जुस आइस ट्रेमा हाल्नुहोस् र फ्रिज गर्नुहोस्। एक क्यूबलाई नरम कपडामा बेरेर अनुहारमा दैनिक मसाज गर्नुहोस्। यसले तपाईँको छालालाई टाइट राख्छ र छालाको चमक कायम राख्छ।
टमाटरको टुक्रा अनुहारमा लगाउन सकिन्छ
यदि तपाईँ आफ्नो छालालाई अझ सुन्दर बनाउन टमाटरलाई सरल तरिकाले प्रयोग गर्न चाहनुहुन्छ भने टमाटरलाई टुक्रा–टुक्रामा काटेर छालामा रगड्नुहोस्। १५–२० मिनेटपछि पानीले धुनुहोस्। बस तपाईँको अनुहार चम्किलो हुन थाल्छ।
टमाटरबाट स्लिप ब्युटी प्याक बनाउन सकिन्छ
यदि तपाईँ दिनभरि काममा व्यस्त हुनुहुन्छ भने, तपाईँ रातमा टमाटरको मद्दतले स्लिप प्याक तयार गर्न सक्नुहुन्छ। यसका लागि एउटा कचौरामा टमाटरको रस लिनुहोस्।
अब यसमा भिटामिन इको एक क्याप्सुल र एक चम्चा एलोभेरा जेल हालेर राम्ररी मिलाउनुहोस्। अनुहार सफा गर्नुहोस् र यो पेस्ट लगाउनुहोस् । रातभर यतिकै छोड्नुहोस्। अर्को बिहान यसलाई धुनुहोस्।
यो पनि…
कपाल झर्न रोक्ने पाँच प्राकृतिक उपाय जसले नयाँ कपाल उमार्न पनि सहयोग गर्छ
मोटोपना घटाउन के खाने के नखाने ?
