फिफा विश्वकप २०२२ : जसले मास्क लगाएर फुटबल खेले
उरुग्वेविरुद्धको समूह एचको उद्घाटन खेलमा दक्षिण कोरियाली टोलीका सन ह्युङ–मिन मास्क लगाएर देखिए । सनले १०४ अन्तर्राष्ट्रिय खेलमा ३५ गोल गरिसकेका छन् तर देब्रे आँखाको चोटका कारण नोभेम्बर २ मा च्याम्पियन्स लिगबाट बाहिरिएका थिए। गत सिजन इङ्लिस प्रिमियर लिगमा सर्वाधिक गोलको बराबरी खेलेका सन खेलमा मास्कमा देखिएका थिए।
त्यस्तै उरुग्वे टोलीको सम्पूर्ण जिम्मेवारी अनुभवी लुइस सुआरेज र एडसन काभानीको काँधमा हुनेछ । सुआरेजले चार विश्वकपमा सात गोल गरेका छन्, राष्ट्रिय कीर्तिमान ओस्कार मिगुएजभन्दा मात्र एक गोल कम। ओस्कार सन् १९५० को विजेता टोलीको हिस्सा थियो। सुआरेज जहिले पनि दाँत काट्ने धेरै घटनाका कारण चर्चामा रहन्छन्। २०१८ को विश्वकपमा उनले इटालीका डिफेन्डर जर्जियो चिलिनीको काँधमा टोके। यद्यपि रेफ्रीले यो देखेनन्, सुआरेजलाई पछि चार महिनाको लागि फुटबल सम्बन्धी सबै गतिविधिबाट निलम्बन गरिएको थियो। उनलाई ९ अन्तर्राष्ट्रिय खेलको प्रतिबन्ध समेत लगाइएको थियो । यसअघि सन् २०१० मा पनि उनी विरुद्ध कारबाही भएको थियो ।
गत बिहीबार कतारमा जारी फिफा विश्वकप फुटबलमा उरुग्वे र दक्षिण कोरियाले बराबरी खेलेका हुन् । एजुकेसन सिटी स्टेडियममा बिहीबार भएको खेलमा उरुग्वे र दक्षिण कोरियाले गोलरहित बराबरी खेल्दै अङ्क बाँडेका हुन् । प्रतिस्पर्धात्मक बनेको खेलमा दुवै पक्षले गोल गर्ने सुन्दर अवसर बनाए पनि सदुपयोग गर्न सकेनन् । यस बराबरीसँगै समूह ‘एच’ को उरुग्वेले पहिलो खेलमा १ अङ्क जोडेको छ । दक्षिण कोरियाले पनि १ अङ्कबाट विश्वकपको सुरुआत गरेको छ ।
यो पनि…
एथलेटिक्समा आर्मीका दुई कीर्तिमान
स्टिपलचेजमा कर्णालीका दुर्गालाई स्वर्ण पदक
