वैवाहिक जीवनको आधार भनेको माया, समय र विश्वासमा टिकेको हुन्छ । वैवाहिक जीवनमा सधैं खुशी मात्र मिल्छ भन्ने हुँदैन । यसलाई सुखमय बनाउन तपाईंलाई लगातार प्रयास गर्नुपर्ने हुन्छ । वैवाहिक जीवनलाई हाम्रो स–सानो बानीले पनि ठूलो प्रभाव पारेको हुन्छ । यदि तपाईंको बानी राम्रो छ भने जीवनसाथीको नजिक हुनुको साथै सम्बन्ध पनि बलियो हुन्छ । आज हामी यस्तो ४ बानीको बारेमा कुरा गर्छौ, जुन बानी राम्रो भयो भने तपाईंको वैवाहिक जीवन सुखमय हुनेछ ।
यदि दुई जनाको बीचमा राम्रो संवाद भयो भने तनाव पनि कम हुन्छ । एक अर्काप्रति भरोसा पनि बढ्छ र दुवैको सम्बन्ध राम्रो हुन्छ ।
संवाद
तपाईंको विवाह भएको लामो समय भइसक्यो भने एकापसमा हने संवादले निकै ठूलो भूमिका खेलेको हुन्छ । आफ्नो बारेमा प्रायः सबै कुरा एक अर्कालाई बताउनु पर्ने हुन्छ । घरमा आज के भयो, अफिसमा के भयो जस्ता कुरा एक अर्कालाई बताउनु भयो भने माया तथा एक अर्काप्रति लगाव बढ्छ । यसको साथै परिवार तथा साथीहरुको बारेमा पनि कुरा गर्न सकिन्छ । जीवनको राम्रो नराम्रो कुरा, संघर्ष र सफलताको बारेमा पनि कुरा गर्न सकिन्छ । यदि दुई जनाको बीचमा राम्रो संवाद भयो भने तनाव पनि कम हुन्छ । एक अर्काप्रति भरोसा पनि बढ्छ र दुवैको सम्बन्ध राम्रो हुन्छ ।
आत्मीयता
आफ्नो पार्टनरसँग शारीरिक तथा मानसिक रुपमा आत्मीयता बढाउनुहोस् । तपाईंको पार्टनरलाई यति भरोसा होस् कि उ आफूलाई तपाईसँग सुरक्षित महसुस गरोस् र आफ्नो मनको कुरा तपाईसँग खुलेर गर्न सकोस् । तपाईंहरुले एक अर्काको शारीरिक आवश्यकता पनि पनि राम्रोसँग बुझने कोशिस गर्नुपर्छ । यसले तपाईंहरु बिचको सम्बन्ध अझ बलियो हुनेछ । जब तपाईंहरु बीचको शारीरिक सम्बन्ध राम्रो हुन्छ, तब तपाईहरु आफ्नो चाहना पनि खुलेर बताउन सक्नुहुन्छ । आत्मीय सम्बन्ध राम्रो भए सन्तुष्टि प्राप्त हुन्छ ।
तपाईंको पार्टनरलाई यति भरोसा होस् कि उ आफूलाई तपाईसँग सुरक्षित महसुस गरोस् र आफ्नो मनको कुरा तपाईसँग खुलेर गर्न सकोस् ।
राम्रो स्रोता बन्नुहोस्
तपाईं आफ्नो कुरा ढुक्कले आफ्नो पार्टनरलाई बताउँदा तपाईंको पार्टनरले पनि त्यति नै ध्यान दिएर कुरा सुन्नुपर्छ । त्यसो नभए केही समयपछि तपाईंहरुबीच हुने संवाद एकतर्फी हुन्छ । त्यसले दम्पत्तीबच दुरी पैदा हुन सक्छ । आफ्नो पार्टनरको कुरा ध्यानसँग सुनेर तपाईं उसको आवश्यकता राम्रोसँग बुझन सक्नु हुन्छ । पार्टनरको कुरा सुनेर त्यो कुराको कार्यान्वयन पनि गर्नुहोस् । यसले सम्बन्ध राम्रो हुन्छ ।
एक अर्काप्रति कृतज्ञ हुनुहोस्
कुनै पनि सम्बन्धमा सम्मान तथा प्रशंसा मिल्दैन भने त्यो सम्बन्धप्रति विश्वास कम भएर जान्छ । वैवाहिक सम्बन्धमा पनि यो कुरा लागु हुन्छ । आफ्नो पार्टनरलाई कृतज्ञता व्यक्त गर्नु एकदमै जरुरी हुन्छ । किनकी जोसुकै व्यक्तिलाई पनि आफूले गरेको राम्रो कामको तारिफ सुन्न मनपर्छ । यदि तपाईं नियमित आफ्नो पार्टनरको तारिफ गर्नु हुन्छ भने सम्बन्ध बलियो हुन्छ ।
आज सोनाम ल्होसारयसकारण मनाउन थालियो ल्होसार तामाङ समुदायको सांस्कृतिक पर्व सोनाम ल्होसारका अवसरमा सरकारले आज बिहिबार देशभर सार्वजनिक बिदा दिएको छ।समुदायले
एपी शर्माको संगीत र शब्दमा आधारित तथा कैसिलोको स्वर र प्रस्तुति रहेको नयाँ म्युजिक भिडियो “भ्यालेन्टाइन” सार्वजनिक भएको छ।मिस्टर जेसीडीको निर्देशनमा तयार यो म्युजिक भिडियोले प्रेमका भावनालाई आधुनिक शैलीमा प्रस्तुत गरेको छ। गीतको बोल “भ्यालेन्टाइन” प्रेम, रोमान्स र गहिरो भावनाको समायोजन हो । यसले भ्यालेन्टाइन डेको पर्खाइ मात्र नभई, प्रेमलाई दिन विशेष बनाउनेहरेक दिनको महत्त्वलाई व्यक्त गर्दछ। “फेब्रुअरीको पर्खाइ गर्न सक्दिन, मलाई माया गरिदेऊ” भन्ने गीतका शब्दहरूले प्रेमीहरूलाई आफ्नो भावनाहरूखुलस्त रूपमा व्यक्त गर्न प्रेरित गर्ने सन्देश दिन्छ। गीतमा प्रेम, वफादारी, र रोमान्सको भावना झल्किएको छ नाइजेरियामा छायांकन गरिएको भिडियोको भिजुअल प्रस्तुति गीतकै भावना अनुसारजीवन्त र कलात्मक छ। मुख्य भागहरूमा प्रेममा परेका मानिसहरूको भावनालाई प्रतीकात्मक रूपमा प्रस्तुत गरिएको छ। म्युजिक भिडियोले उत्कृष्ट छायांकन र निर्देशनमार्फत प्रेम र रोमान्सलाई अझ रोचक बनाएको छ। भिडियोमा आधुनिक शैलीका शब्द र धुनलेयुवाहरूको मन जित्ने प्रयास गरिएको छ। गीत “एपी म्युजिक” युट्युब च्यानलमा उपलब्ध छ, जसले छोटो समयमा नै दर्शकहरूको मन जित्ने सम्भावना राख्दछ। “भ्यालेन्टाइन” गीतले प्रेमदिवसलाई अझ विशेष बनाउन प्रेरणा दिने अपेक्षा गरिएको छ। नेपाली डायस्पोराले अंग्रेजी गीत-संगीतमा पनि विश्वब्यापी प्रतिस्पर्धा गर्न सुरु गरेको यो एउटा सकारात्मक संकेत हो, जसले नेपाली कलाकारितालाईअन्तर्राष्ट्रिय स्तरमा थप पहिचान दिलाउन मद्दत पुर्याउनेछ।
