अनुहारको दाग हटाउने प्राकृतिक विधि

तपाईंको छालालाई धेरैजसो सुख्खा तथा फिक्का देखिनुको कारण मरेको छालाको कारणले गर्दा हो । छालालाई चम्किलो तथा नरम बनाउनको लागि प्राकृतिक घरेलु उपायलाई अपनाउन सक्नुहुन्छ । यो विधि धेरै नै सजिलो हुनुका साथै प्रभावकारी छ ।

• कागती
• थोरै नुन
• चामलको पिठो
• मह

बनाउने विधि

सबैभन्दा पहिला कागतीलाई दुई भागमा काट्नुहोस् । त्यसपछि आधि भाग कागतीमा थोरै नुन हाल्नुहोस् । यसलाई अनुहारमा केही बेरसम्म दली सफा पानीले मुख धुनुहोस् ।

त्यसपछि चामलको पिठोमा मह र अर्को बाँकी रहेको आधा भाग कागतीको रसलाई राखेर राम्ररी मिसाउनुहोस् । यदि, आवश्यक भएमा यसमा थोरै पानीलाई पनि हाल्न सक्नुहुन्छ ।

यस फेसप्याकलाई पूरै अनुहारमा दल्नुहोस । र १५ मिनेट त्यसै छोड्नुहोस् । त्यसपछि सफा पानीले मुख धुनुहोस् । र अनुहारलाई सुक्खा हुन दिनुहोस् । अनुहार पूरै सुक्खा भएपछि मोइस्चराइजरलाई लगाउनुहोस् । अब तपाईंको अनुहार पहिलेभन्दा निकै आकर्षक देखिनेछ ।

यो पनि…
यी हुन् पुरुषले फेसनमा ध्यान दिनैपर्ने कुराहरु
तोरीको तेल : जसले पुर्याउँछ शरीरलाई यस्तो फाइदा