नियमित यौनसम्पर्क गर्नुका फाइदा
यौनले तपाईंको जीवनका धेरै पक्षमा महत्व राख्छ । यौन र यौनिकता जिन्दगीका पाटाहरू हुन् । प्रजननका लागि मात्र नभई आत्मीयता र खुशीका लागि पनि हो यौन । यौनिक गतिविधि, सम्भोगले शारीरिक, बौद्धिक, भावनात्मक, मनौवैज्ञानिक, सामाजिक जीवनलगायत सबै पक्षमा आश्चर्यजनक लाभ प्रदान गर्छ ।
त्यसैले, यौन स्वास्थ्य र शिक्षा अनि गर्भधारणका बारेमा बुझ्न मात्र आवश्यक छैन, यौन जीवनको एक अभिन्न अङ्ग पनि बन्न सक्छ भन्ने पहिचानको लागि पनि आवश्यक छ ।
कमजोर यौन जीवन भएकाहरूको भन्दा यौन जीवन सक्रिय भएकाहरूको खानपिन पनि राम्रो हुन्छ, व्यायाम पनि हुन्छ र उनीहरू शारीरिक रूपमा स्वस्थ्य पनि हुन्छन् ।
शरीरलाई हुने फाइदा
अमेरीकन सेक्सुवल हेल्थ एजुकेसनका अनुसार यौनलाई व्यायाम नभनिए पनि हृदयको लागि यो एक उत्तम व्यायाम हो, जुन पुरुष र महिला दुवैमा लागु हुन्छ । यौनबाट शरीरका लागि हुने केही फाइदा यस प्रकार छन्ः
– यौनले रक्तचाप कम गर्छ
– क्यालोरी कम गर्छ
– हृदयलाई स्वस्थ बनाउँछ
– मांशपेसी बलियो बनाउँछ
– स्ट्रोक र उच्च रक्तचाप जस्ता हृदयसँग सम्बन्धित रोग घटाउँछ
– कामेच्छा बढाउँछ
कमजोर यौन जीवन भएकाहरूको भन्दा यौन जीवन सक्रिय भएकाहरूको खानपिन पनि राम्रो हुन्छ, व्यायाम पनि हुन्छ र उनीहरू शारीरिक रूपमा स्वस्थ्य पनि हुन्छन् ।
बलियो प्रतिरक्षा प्रणाली
मानिसहरूको प्रतिरक्षा प्रणालीको विषयमा भएको एक अध्ययनअनुसार हप्तामा एक देखि दुई पटक अथवा नियमित सेक्स गर्ने व्यक्तिहरूमा आइजीए अर्थात इमुनोग्लोबिन ए बढी मात्रामा रहेको पाइयो । तर हप्तामा एक पटक भन्दा पनि कम सेक्स गर्नेहरूमा भने आइजीए कम भएको पाइयो । आइजीए यस्तो एन्टिबडी हो, जसले रोग निवारणमा भूमिका खेल्छ र एचभिपी अर्थात् ह्युमन पापीलोमा भाइरससँग पनि लड्छ ।
राम्रो निद्रा
सेक्स पश्चात शरीरमा अक्सीटिन हर्मोन उत्पन्न हुन्छ, जसलाई माया र आत्मीयताको हर्मोन पनि भनिन्छ । साथै, इन्डोर्फिन हर्मोन पनि उत्पन्न हुन्छ । यी दुबै हर्मोनको मिश्रणले शरीरलाई शान्ति प्रदान गर्छ । यसले राम्रो र मीठो निद्रा पनि लाग्छ ।
सेक्स पश्चात शरीरमा अक्सीटिन हर्मोन उत्पन्न हुन्छ, जसलाई माया र आत्मीयताको हर्मोन पनि भनिन्छ । साथै, इन्डोर्फिन हर्मोन पनि उत्पन्न हुन्छ । यी दुबै हर्मोनको मिश्रणले शरीरलाई शान्ति प्रदान गर्छ । यसले राम्रो र मीठो निद्रा पनि लाग्छ ।
राम्रो र मीठो निद्राले शरीरलाई धेरै कुरामा फाइदा पु¥याउँछ । जस्तै, बलियो प्रतिरक्षा प्रणाली, लामो आयु, आरामको महसुस, थकानबाट छुटकारा, माइग्रेन जस्तो टाउको दुख्ने रोगमा पनि सेक्सले औषधिको काम गर्छ । र, दिनको समयमा स्फूर्ति दिलाउँछ ।
सेक्सले महिला र पुरुष दुवैलाई फाइदा
पुरुषहरूमा यौन सम्पर्कका कारण प्रोस्टेट क्यान्सरको जोखिम कम हुन्छ । एक हप्तामा ४ देखि ७ पटक स्खलन गर्दा ७० वर्षको उमेर पुग्दा प्रोस्टेट क्यान्सरको जोखिम कम हुन्छ ।
महिलाको हकमा भने सेक्सले रक्त सञ्चालन तीब्र बनाउँदै दुखाई कम गर्ने रसायन उत्पादन गर्दछ । साथै मुत्राशय नियन्त्रणदेखि प्रजनन स्वास्थ्यमा सुधार, मांशपेशी बलियो बनाउँछ । गर्भाशयमा मासु पलाउने तथा इन्डोम्ट्रोसिसबाट पनि बचाउँछ ।
