पुरुषबाट सम्बन्धमा हुने यी गल्ती

यौनलाई आनन्ददायक बनाउन पुरुष र महिला दुबै मानसिक रूपमा स्वस्थ रहनु आवश्यक छ । किनकी यौनसम्बन्ध तनको आवश्यकता मात्र नभएर मनसंग पनि जोडिएको हुन्छ । तर कैयन् अवस्थामा महिला–पुरुष यौनसम्बन्धका बेला एक–अर्काको इच्छा र भावनालाई नबुझी, मात्र औपचारिक रूपमा यो काम पूरा गर्छन् भन्ने नै छ । यस प्रकारको क्रियाकलापले कतिपयको यौनजीवन प्रभावित समेत भएको छ । यौनसम्बन्धका बेला हुने गल्तीहरूमाथि विचार पुर्याइ आफ्नो यौनजीवनलाई रोमाञ्चक र आनन्दमयी यसरी बनाउन सकिन्छ ।

फोरप्ले (पाकक्रिडा)को आनन्द नउठाउनु

प्रायः पुरुषहरू यौनसम्बन्धलाई नियमित काम नै ठानेर हतार–हतारमा पुरा गर्ने प्रयास गर्छन् । तर महिलामा यौनसम्बन्ध राख्नु भन्दा अगाडी पुरुष साथीले केही समय पाकक्रिडा (फोरप्ले) मा बढी समय बिताओस् भन्ने चाहन्छिन् । यौनसम्पर्क राख्नु भन्दा अगाडी महिला साथीलाई चुम्बन गर्नु, अंग स्पर्श गर्नु बढी आनन्ददायक हुन्छ । यदी यौनसम्बन्ध राख्नु भन्दा अगाडी कुनै पनि पुरुषले फोरप्लेमा रुचि देखाउँदैन भने त्यो उसको सबैभन्दा ठूलो यौन गल्ती हुन्छ ।

सम्भव भएसम्म फोरप्लेको समय बढाएर बढीभन्दा बढी आनन्द उठाउने र आफ्नो पार्टनरलाई सुखद यौनसम्पर्कका लागि तयार गराउनु पर्दछ ।

प्रेमपूर्ण कुरा नगर्नु

कैयन् पुरुषहरू आफ्नो पार्टनरसँग यौन सम्बन्ध राख्नु अगाडी प्रेमपूर्वक कुरा गर्दैनन् । एउटा सफल र सुखमय यौनसम्बन्ध बनाउन आफ्नो पार्टनरसँग प्रेमपूर्वक कुरा गर्नु आवश्यक छ । मनोचिकित्सकहरूका अनुसार शारीरिक सम्बन्ध राख्नुपूर्व प्रेमपूर्वक कुराकानी नगर्दा महिलालाई पुरुषहरूमा यौनसम्बन्धको भोक छ, तर प्रेमको कुनै भावना छैन भन्ने कुराको महसुस हुन्छ ।

यदि प्रेमपूर्ण यौनसम्बन्ध राख्ने हो भने भने आफ्नो पार्टनरसँग सकेसम्म प्रेमपूर्वक रोमान्टिक कुरालाई बढी प्राथमिकता दिनुपर्छ, जसबाट उनको यौनसम्बन्ध प्रतिको लगाव र रोमाञ्चता थाहा पाउन सकिन्छ ।

इच्छा नबुझ्नु

अधिकांश महिलाहरूको यौनको बिषयमा सुनिने गुनासो भनेकै आफ्नो यौनसम्बन्ध राख्ने ईच्छा नै नबुझि पुरुष यौनसम्बन्ध राख्न अग्रसर हुन्छन् नै भन्ने छ । महिलाको यौनसम्बन्ध प्रतिको चाहना नबुझी यो क्रियामा संलग्न हुन खोज्नु पुरुषको गल्ती हो । यौनसम्बन्ध राख्ने मनस्थिती बनाउनु पूर्व महिलाको यौनचाहना बुझेर मात्र पहल गर्नु उचित हुन्छ ।

जबर्जस्ती गर्न खोज्नु

कैयन् महिला यौनसम्बन्धका बेला पुरुषले जबर्जस्ती गर्ने गुनासो गर्छन्, यो कार्यले गर्दा उनीहरु मानसिक रुपमा आहत हुन्छन् । मनोचिकित्सकहरूका अनुसार यौनसम्बन्ध जबर्जस्ती राख्नु गलत व्यवहार हो, यौनसम्बन्ध सधै प्रेमसित जोडिएको हुन्छ । त्यसैले यौनसम्बन्धको प्रारम्भ प्रेमबाटै गर्नुपर्छ ।

प्रत्येक दिन यौन सम्वन्ध राख्न खोज्नु

कोही पुरुष प्रत्येक दिन आफ्नो पार्टनरसँग एकै समयमा एकै स्थानमा यौनसम्बन्ध राख्न चाहन्छन् । महिलाहरू भने प्रेमको अनुभवलाई अलग–अलग तरिका र स्थानमा रहेर लिन चाहन्छन् । अधिकांश पुरुष यो कुरालाई राम्रोसँग बुझ्दैनन् ।

यौनसम्बन्धको आनन्द उठाउन अलग–अलग स्थान र विधि अंगाल्नु उपयुक्त हुन्छ । यौन आसनहरूमा परिवर्तन गर्नुका साथै बेड, सोफा, भुई जस्ता फरक स्थानमा राख्दा रोमाञ्चक हुन्छ । यसले कुनै पनि जोडीलाई यौन जीवनमा नयाँ रोमाञ्चता दिने गर्छ ।

यो पनि…
पहिलोपटक यौनसम्पर्क गर्दा यी कुरामा दिनुहोस् ध्यान
यौन सम्पर्क गर्दा खुलेर गर्नुहोस् यस्ता कुरा