जीवनमा परिवर्तन ल्याउने स्वामी विवेकानन्दका १० वाणी
स्वामी विवेकानन्दको बारेमा हामी सबैलाई थाहा छ । मानव जातीका लागि ठूलो योगदान गरेर सन् १९०२ जुलाई ४ मा यस धर्तीबाट विदा भएका थिए । पच्चिस वर्षको उमेरमा नै सांसारिक मोह त्याग गरी सन्यासी बनेका विवेकानन्द जीवनभर मानव कल्याणका लागि समर्पित भए ।
-आफूलाई कमजोर सम्झनु सबैभन्दा ठूलो पाप हो ।
-ब्रम्हाण्डको सबै शक्ति हामीभित्र छ। तर हामीले आफ्ना आँखा आफ्नै हातले ढाक्छौं अनि संसार निकै अन्धकार रहेछ भनेर गुनासो गर्छौं ।
-सिक्ने र अनुभव बटुल्ने कार्यलाई जीवनभर निरन्तरता दिनुहोस् किनकी अनुभव नै सबैभन्दा ठूलो गुरु हो ।
-हामीले कहिल्यै पनि अरुको निन्दा गर्नु हुँदैन । यदि कसैलाई सहयोग गर्न सक्नुहुन्छ भने सहयोग गर्नुहोस् । यदि सहयोग गर्न सक्नुहुन्न भने अञ्जुली जोडेर आशिर्वाद दिनुहोस् र अगाडि बढ्न प्रेरित गर्नुहोस् ।
-यदि कसैले तपाईलाई गालि गर्छ भने बदलामा आशिर्वाद दिनुहोस् । किनकी गाली गर्ने मानिसले तपाईको झूठो दम्भ देखाएर तपाईलाई नै मद्दत गरिरहेका छन् भनेर बुझ्नुपर्छ ।
-ज्ञान आफैंमा वर्तमान हो । मानिसले त केबल ज्ञानको आविष्कार मात्रै गर्नसक्छ ।
-जबसम्म तपाईले आफैंलाई विश्वास गर्नुहुन्न तबसम्म तपाईले भगवानप्रति विश्वास गर्न सक्नुहुन्न ।
-हामीले जति बढी अरुको भलाइ गर्छौं, त्यति नै हाम्रो आत्मा शुद्ध हुन्छ र हाम्रो आत्मामा परमात्माको वास हुन्छ ।
-तपाईले भित्रैदेखिनै आफूलाई विकसित गर्नपर्छ । कसैले पनि तपाईलाई ज्ञानी बनाउन सक्दैनन् । कसैले पनि तपाईलाई आध्यात्मिक बनाउन सक्दैनन् । आत्मा नै तपाईको सर्वश्रेष्ठ गुरु हो।
-कहिलेकाहीं मन र दिमागबीच अन्तर्विरोध वा टकराव हुने गर्छ । यस्तो अवस्थामा मनको कुरा नै सुन्नुहोस् ।
