यो मन्दिर, जहाँ मान्छे छिर्नै डराउँछन्

हिन्दु धर्मावलम्बी मन्दिर नगएको सायदै कोही होला । मन्दिरमा गएर मानिसको हरेक दुःख, पीडा हटेर जान्छ, त्यसैले मन्दिरमा भगवानको पूजा हुन्छ । तर एउटा यस्तो मन्दिर छ जहाँ कोही जान चाहँदैनन् ।

हो, यो साँचो हो कि भारतमा एउटा यस्तो मन्दिर छ जहाँ मानिसहरू जान हिचकिचाउँछन्। यो मन्दिरमा गएर भूत र दानवको डर लाग्छ । यो मन्दिर चम्बाको सानो सहर भरमोरमा अवस्थित छ। मन्दिर हेर्दा निकै सानो छ तर यसको चर्चा टाढा टाढासम्म छ।

वास्तवमा यो मन्दिर मृत्युका देवता यमराजको हो । जसले गर्दा मानिसहरू मन्दिर जान डराउँछन् । यो संसारको एक मात्र मन्दिर हो जुन यमराजको लागि समर्पित छ। यस मन्दिरमा चित्रगुप्तका लागि कोठा पनि बनाइएको छ । चित्रगुप्तले जनताको नराम्रो कर्मको हिसाब राख्छन्।

मानिसको कर्मको आधारमा स्वर्ग वा नर्कमा पठाइन्छ। यस मन्दिरमा सुन, चाँदी, तामा र फलामका चार वटा लुकेका ढोका छन् । यहाँ यस्तो पनि मान्यता छ कि, धेरै पापी व्यक्तिको आत्मा फलामको ढोकामा जान्छ। पुण्य गर्नेको आत्मा सुनको ढोकामा जान्छ। अर्थात् कुन व्यक्तिले स्वर्ग पाउने र कुन व्यक्तिले नर्क पाउने भन्ने कुरा चित्रगुप्तले मात्रै तय गर्छन्। त्यसैले मानिसहरू यस मन्दिरमा छिट्टै प्रवेश गर्न चाहँदैनन्।

यो पनि…
विरुवा नै लोप हुने विज्ञको चिन्ता
सबैभन्दा पुरानो यो जीवबारे वैज्ञानिक नै छक्क