मनोजको बाँसुरी धुनमा स्रोता मुग्ध

पशुपतिनाथस्थित किरातेश्वर मन्दिरमा १५ बर्षको युवाको प्रवेश हुन्छ । त्यहाँ प्रस्तुत भैरहेको शास्त्रीय संगीतको धुन सुन्छ । निकै प्रभावित हुन्छ । बाँसुरीवादक बन्ने निश्चय गर्छ । त्यहि ठाँउमा नियमित रुपमा बाँसुरी बादनको अभ्यासलाई निरन्तरता दिन्छ । यो झण्डै तीनदशक अघिको कुरा ।

ती युवा थिए,मनोज सिंह नेवा । मनोज अहिले विश्व विख्यात बाँसुरीबादकका रुपमा चिनिन्छन् ।

बुधबार बेलुकी गुरु पुर्णिमाको साँझ उही किरातेश्वरको प्राङ्गणमा फेरि भेटिए, मनोज । उनले आफ्नो बाँसुरी बादनको संगीतले उपस्थित स्रोतागणलाई यति मुग्ध बनाएकी भारी बर्षा हुँदा पानीमै रुझेर भएपनि संगीतको आनन्द लिइराखे ।

धेरै बर्षपछि मनोजले आफुले तपस्या र मेहनत गरि गरि सिकेको उही प्राङ्गणमा प्रस्तुती दिने मौका पाए । उनलाई तबलामा सरिता मिश्र र अन्य कलाकारहरुले साथ दिए ।

मनोज अहिलेसम्म एक मात्र नेपाली हुन जसले प्रख्यात ग्रामी संगीत पुरस्कारमा मनोनयन हुने अवसर प्राप्त गरे ।

मनोज हाल अमेरिकाको क्यालिफोर्नियामा बसेर आफ्नो सांगीतिक कार्यहरु गरिराखेका छन् । उनले करिब २० देशमा नेपाली शास्त्रीय सांगीतिक प्रस्तुती दिएर नेपालको संगीतलाई बिश्वब्यापी गर्ने काममा निरन्तर सक्रिय छन् ।

शब्द / तस्विरहरु : विकास रौनियार

यो पनि…
नेपाली रंगमञ्चमा अनुराधा मजुमदार (फोटोफिचर)
मुगुको विद्यालयका लागि हाँसोको सहकार्य