English

इक्सभिला स्टार्टअप वर्ल्डकपको नेपाल च्याम्पियन



स्टार्टअप वर्ल्डकपको नेपाल च्याम्पियनमा टाटु डिजिटलाइज गर्ने स्टार्टअप इक्सभिला छनौट भएको छ ।

स्टार्टअप वर्ल्डकप नेपाल रिजनल कम्पिटिसनको फाइनलमा रहेका १५ कम्पनीलाई पछि पार्दै इक्सभिला नेपालको च्याम्पियन बनेको हो ।

स्टार्टअप वर्ल्डकपको रिजनल पार्टनर स्टार्टअप हब नेपालले बुधबार नेपालको फाईनल व्याटल आयोजना गरेको हो । स्टार्टअप वर्ल्डकपको उद्घाटन गर्दै राष्ट्रिय सभा अध्यक्ष गणेश तिमिल्सिनाले नेपालका सम्पुर्ण संयन्त्रनै नयाँ सोच र धारणाका साथ आएमा नेपालले स्टार्टअप मुभमेन्टमा फड्को मार्ने बताएका थिए ।

विश्वका ७० भन्दा बढि देशहरुमा हुने स्टार्टअपको विश्वकप नेपालमा गत वर्षदेखि मात्रै हुन थालेको हो । वर्ल्ड ट्रेड ग्रुप नेपालको भगिनि संस्था स्टार्टअप हब नेपालले जनाए अनुसार अब गत बर्षको विजेटा ट्याक्सिमाण्डु र यस बर्षको विजेता इक्सभिला सेप्टेम्बरमा सिलिकन भ्यालिमा हुने विश्व प्रतिस्पर्धामा सहभागी हुनेछन् ।

दुवै च्याम्पियन स्टार्टअपलाई आयोजकले नै अमेरिकामा प्रतिस्पर्धामा लैजाने स्टार्टअप हब नेपालका अध्यक्ष डा.शम्भु पोखरेलले बताए ।

देशभरबाट स्टार्टअप विश्वकपका लागी प्रतिस्पर्धामा सहभागी हजारौं स्टार्टअपहरुबाट उत्कृष्ट १५ स्टार्टअप आयोजकले छानेका थिए । बुधबार छानिएका १५ स्टार्टअपबीच प्रतिस्पर्धा भएको हो । छानिएका उत्कृष्ट स्टार्टअपहरुमा गेम सम्बन्धि एप–डार्क म्याटर्स, शिक्षा प्रविधि सम्बन्धि स्टार्टअप–वेद, इन्टर्याक्टिभ लर्निङ चिम्पभाईन, मेन्टल हेल्थ स्टार्टअप–ह्याप्पी माइन्डसलगायत रहेका थिए ।

बुधबारको नेपालको फिनालेमा उत्कृष्ट ५ स्टार्टपहरु पनि छानिएका छन् । उत्कृष्ट ५ स्टार्टअपहरुमा च्याम्पियन इन्सभिल्लासँगै दोश्रोमा वेद, तेश्रोमा स्किल सेवा, चौथोमा ह्यापि माइन्डस र पाँचौमा डिजिटल एज नेपाल पर्न सफल भएका छन् । उत्कृष्ट भएका ती ५ स्टार्टअपहरुलाई एमेजनको एडल्युएसले एक हजार डलर बराबरको क्लाउड पुरस्कार दिने घोषणा गरेको छ ।

त्यसैगरि उत्कृष्ट तीन स्टार्टअपलाई स्टार्टअपहब नेपालले प्रतिकम्पनी १० लाख रुपैंयाको लगानी पुरस्कार दिने घोषणा गरेको छ ।

विश्वका विकसित र धनी देशहरुमा मात्र हुनेगरेको स्टार्टअप नेपालमा भित्रिएसँगै नेपालको कुनै कुनामा रहेको नयाँ सोचले समेत विश्वको इन्नोभेसन हेडक्वाटर भनेर चिनिले सिलिकन भ्यालीमा गएर प्रतिस्पर्धा गर्ने बाटो खुल्ने अवस्था सिर्जना भएको स्टार्टअप हब नेपालले जनाएको छ ।

यो पनि…
‘फेसियल हाउस’ को १४औं वार्षिकोत्सवमा पूजा र भवानीले काटे केक

सृष्टि र मन्दिप ‘मिस्टर एण्ड मिस नेपाल टिन’



सम्बन्धित खबरहरु

हङकङमा तमु व्याडमिन्टन च्याम्पिएनसिप हुने भएको छ । २३ फेब्रवरीका दिन हुने उक्त प्रतियोगितमा तमु व्याडमिन्टन संघले आयोजना गर्न लागेको

एपी शर्माको संगीत र शब्दमा आधारित तथा कैसिलोको स्वर र प्रस्तुति रहेको नयाँ म्युजिक भिडियो “भ्यालेन्टाइन” सार्वजनिक भएको छ।मिस्टर जेसीडीको निर्देशनमा तयार यो म्युजिक भिडियोले प्रेमका भावनालाई आधुनिक शैलीमा प्रस्तुत गरेको छ।   गीतको बोल “भ्यालेन्टाइन” प्रेम, रोमान्स र गहिरो भावनाको समायोजन हो ।   यसले भ्यालेन्टाइन डेको पर्खाइ मात्र नभई, प्रेमलाई दिन विशेष बनाउनेहरेक दिनको महत्त्वलाई व्यक्त गर्दछ। “फेब्रुअरीको पर्खाइ गर्न सक्दिन, मलाई माया गरिदेऊ” भन्ने गीतका शब्दहरूले प्रेमीहरूलाई आफ्नो भावनाहरूखुलस्त रूपमा व्यक्त गर्न प्रेरित गर्ने सन्देश दिन्छ।   गीतमा प्रेम, वफादारी, र रोमान्सको भावना झल्किएको छ नाइजेरियामा छायांकन गरिएको भिडियोको भिजुअल प्रस्तुति गीतकै भावना अनुसारजीवन्त र कलात्मक छ। मुख्य भागहरूमा प्रेममा परेका मानिसहरूको भावनालाई प्रतीकात्मक रूपमा प्रस्तुत गरिएको छ।   म्युजिक भिडियोले उत्कृष्ट छायांकन र निर्देशनमार्फत प्रेम र रोमान्सलाई अझ रोचक बनाएको छ। भिडियोमा आधुनिक शैलीका शब्द र धुनलेयुवाहरूको मन जित्ने प्रयास गरिएको छ।   गीत “एपी म्युजिक” युट्युब च्यानलमा उपलब्ध छ, जसले छोटो समयमा नै दर्शकहरूको मन जित्ने सम्भावना राख्दछ। “भ्यालेन्टाइन” गीतले प्रेमदिवसलाई अझ विशेष बनाउन प्रेरणा दिने अपेक्षा गरिएको छ।   नेपाली डायस्पोराले अंग्रेजी गीत-संगीतमा पनि विश्वब्यापी प्रतिस्पर्धा गर्न सुरु गरेको यो एउटा सकारात्मक संकेत हो, जसले नेपाली कलाकारितालाईअन्तर्राष्ट्रिय स्तरमा थप पहिचान दिलाउन मद्दत पुर्याउनेछ।

विरलै मात्रै अभिनयमा देखिने लोकगायिका सुनिता दुलालले चर्चित नायक दिलीप रायमाझीसँग कम्मर मर्काउँदै म्यूजिक भिडियो ओ बड्डा सार्वजनिक गरेकी छन्

नेपालको लोकप्रिय ब्रान्ड टुपीएम स्न्याक्स् एण्ड नुडल्स् ब्राण्डले भारतको मुम्बईमा आयोजित समारोहमा रिलायन्स रिटेलद्वारा प्रतिष्ठित “फ्युचर फर्वार्ड स्टार ब्रान्ड” पुरस्कार