पदाधिकारी चयनको बिषय नेकपा माओवादी केन्द्रमा सकस पुर्ण भएको छ ।
विशेषगरी महासचिवमा कसलाई ल्याउने भन्ने बिषयमा निर्णय गर्न नसक्दा पदाधिकारी चयन चुनौतीपूर्ण बनेको हो ।
महासचिवमा बर्षमान पुन र जनार्दन शर्मा दुवैले दावेदारी गरेपछि माओवादी केन्द्रमा पदाधिकारी चयनको बिषय पेचिलो बनेको हो । परिणाम, गत पुसमा महाधिवेसन सम्पन्न गरेको माओवादीले ६ महिना नाघिसक्दा पनि पदाधिकारी टुंगो लगाउन सकेको छैन ।
सहमतिका आधारमा महासचिवलगायत अन्य बिषय टुंगो लगाउने प्रयास गरे पनि पुन र शर्मा दुवैले दावेदारी कायम राखे पछि अध्यक्ष पुष्पकमल दाहाल ‘प्रचण्ड’ थप दबाबमा परेका छन ।
अलिकति गृहकार्य पुगेको छैन । सबैको अनुहार उज्यालो बनाउन २–४ दिनको समय दिनुस् ।
बिहीबार माओवादी केन्द्रका अध्यक्ष प्रचण्डले पदाधिकारी चयन गर्न गृहकार्य पुगेको भन्दै केन्द्रीय सदस्यहरुसँग समय माग गरे । प्रज्ञा प्रतिष्ठान, कमलादीमा केन्द्रीय समितिको बिहीबारको बैठकमा प्रचण्डले भने, ‘अलिकति गृहकार्य पुगेको छैन । सबैको अनुहार उज्यालो बनाउन २–४ दिनको समय दिनुस् ।’
केन्द्रीय समिति, पोलिटब्यूरो र स्थायी कमिटी टुंगो लगाएको भन्दै उनले पदाधिकारीमा पनि ठूलो समस्या नरहेको बताएका थिए ।
केन्द्रीय समिति बैठकले माओवादी केन्द्रको १५६ सदस्यीय पोलिट्ब्यूरो र ४१ सदस्यीय स्थायी समिति टुंगो लगाइसकेको छ ।
महासचिवमा महासंग्राम
नेतृत्वमा आफूबाहेक अरु कोही स्थापित भएको हेर्नै नसक्ने प्रचण्डले माओवादी केन्द्रमा प्रभावशाली मानिइने महासचिव मनोनयनमा किन अलमल गरिरहेका छन् ?
प्रचण्डका सारथी भनिएका शर्मा र पुन माओवादी युद्धमार्फत आफूलाई स्थापित गरेका नेता हुन् । महासचिव पदका आकाक्षीं यी दुवैबीचको सम्बन्ध पनि सुमधुर छैन । यही कडीलाई प्रचण्डले समातेका छन् । प्रचण्डले दुवैलाई पटक पटक सत्ताको स्वाद चखाएका छन् । तर दुबैलाई समदुरीमा राख्दै ‘उपयोगवादी राजनीति’ पनि गरिरहेका छन् । फुटबल खेलाए जसरी दुवैलाई खेलाएका छन्,प्रचण्डले । कहिले शर्माप्रति लगाव अलिक बेसी देखिन्छ प्रचण्डको भने कहिले पुनतिर ।
माओवादी केन्द्रमा अध्यक्षपछि महासचिव शक्तिशाली पद हो । यो पदका लागि शर्मा र पुन नै प्रमुख दावेदार मानिएका छन् । महासचिवको हैसियत प्राप्त गर्न सकेको खण्डमा नेतृत्वको ढोका चाँडो खुल्न सक्छ भन्ने शर्मा र पुनको बुझाइ स्वभाविक पनि हो । यसैले माओवादी केन्द्रभित्र शर्मा र पुनले आ–आफ्ना गुट चलाइरहेका छन् । तर यो बेग्लै कुरा हो कि महासचिव पदका लागि प्रचण्डको गोजीबाट कसको नाम निस्किन्छ,उसैले यो राजनीतिक बाजी जित्ने छ ।
महरा पनि मैदानमा
राजनीतिका चतुर खेलाडी प्रचण्डले जे पनि गर्न सक्छन् । शर्मा र पुनको बढ्दो राजनीतिक महत्वाकांक्षामा ब्रेक लगाउन उनले महासचिवका रुपमा कृष्णबहादुर महरालाई अघि ल्याएमा कुनै आश्चर्य हुने छैन । आफूभन्दा सिनियर महरालाई महासचिव बनाए शर्मा र पुनसँग हिस्स पर्नुबाहेक अर्को विकल्प बाँकी रहन्न । आखिर प्रचण्ड न हुन् जसको मन्त्र नै छ, ‘भद्रगोलमै गोल गर्नुपर्छ ।’
एपी शर्माको संगीत र शब्दमा आधारित तथा कैसिलोको स्वर र प्रस्तुति रहेको नयाँ म्युजिक भिडियो “भ्यालेन्टाइन” सार्वजनिक भएको छ।मिस्टर जेसीडीको निर्देशनमा तयार यो म्युजिक भिडियोले प्रेमका भावनालाई आधुनिक शैलीमा प्रस्तुत गरेको छ। गीतको बोल “भ्यालेन्टाइन” प्रेम, रोमान्स र गहिरो भावनाको समायोजन हो । यसले भ्यालेन्टाइन डेको पर्खाइ मात्र नभई, प्रेमलाई दिन विशेष बनाउनेहरेक दिनको महत्त्वलाई व्यक्त गर्दछ। “फेब्रुअरीको पर्खाइ गर्न सक्दिन, मलाई माया गरिदेऊ” भन्ने गीतका शब्दहरूले प्रेमीहरूलाई आफ्नो भावनाहरूखुलस्त रूपमा व्यक्त गर्न प्रेरित गर्ने सन्देश दिन्छ। गीतमा प्रेम, वफादारी, र रोमान्सको भावना झल्किएको छ नाइजेरियामा छायांकन गरिएको भिडियोको भिजुअल प्रस्तुति गीतकै भावना अनुसारजीवन्त र कलात्मक छ। मुख्य भागहरूमा प्रेममा परेका मानिसहरूको भावनालाई प्रतीकात्मक रूपमा प्रस्तुत गरिएको छ। म्युजिक भिडियोले उत्कृष्ट छायांकन र निर्देशनमार्फत प्रेम र रोमान्सलाई अझ रोचक बनाएको छ। भिडियोमा आधुनिक शैलीका शब्द र धुनलेयुवाहरूको मन जित्ने प्रयास गरिएको छ। गीत “एपी म्युजिक” युट्युब च्यानलमा उपलब्ध छ, जसले छोटो समयमा नै दर्शकहरूको मन जित्ने सम्भावना राख्दछ। “भ्यालेन्टाइन” गीतले प्रेमदिवसलाई अझ विशेष बनाउन प्रेरणा दिने अपेक्षा गरिएको छ। नेपाली डायस्पोराले अंग्रेजी गीत-संगीतमा पनि विश्वब्यापी प्रतिस्पर्धा गर्न सुरु गरेको यो एउटा सकारात्मक संकेत हो, जसले नेपाली कलाकारितालाईअन्तर्राष्ट्रिय स्तरमा थप पहिचान दिलाउन मद्दत पुर्याउनेछ।
