राहुल द्रविड भन्छन्– कोहलीबाट शतक चाहिँदैन
भारतीय क्रिकेट टोलीका पूर्वकप्तान विराट कोहलीले करिब एक वर्षयता शतक प्रहार गर्न सकेका छैनन् । कोहलीले अन्तर्राष्ट्रिय क्रिकेटको तीनै फर्म्याट (टी–२०, एकदिवसीय र टेस्ट) मा आफ्नो व्याटबाट शतक प्राप्त गर्न सकेका छैनन् ।
जसकारण कोहली अहिले निकै विवादित र आलोचित पनि । कसैले कोहलीलाई साथ दिएका छन् भने कसैले आलोचना गरेका छन् । यस्तोमा टिम भारतका मुख्य प्रशिक्षक राहुल द्रविडले भने कोहलीको समर्थन जनाएका छन् ।
द्रविडले समर्थनलाई जवाफ दिँदै कोहलीबाट शतक आवश्यक नभएको बताएका छन् । उनले शतकभन्दा पनि टोलीको जित पहिला प्राथमिकता भएको जनाएका छन् । राहुलले भनेका छन्, ‘कोहली ३० वर्षमै गलत लयमा छन् भन्ने कुरामा म सहमत छैन । मैले अहिलेसम्म जति देखे सबैभन्दा मेहनती व्यक्ति नै कोहली हो । अभ्यासमा उनले जसरी खेलिरहेका छन् । त्यसमा उनी सही लयमा छन् ।’
मान्छे शतकको नै सफलता मान्छन् । तर हामी जित चाहन्छौं । विराट कोहली ड्रेसिङ रुममा हुन्छन् त कसैको लागि प्रेरित बन्दछन् ।
‘मान्छे शतकको नै सफलता मान्छन् । तर हामी जित चाहन्छौं । विराट कोहली ड्रेसिङ रुममा हुन्छन् त कसैको लागि प्रेरित बन्दछन्,’ द्रविडले कोहलीको पक्षमा बोल्दै भनेका छन् ।
कोहलीले सन् २०१९ यता तीनै फर्म्याटमा शतक प्रहार गर्न सकेका छैनन् । कोहलीले पछिल्लो समय कोलकात्तामा बंगलादेशविरुद्ध भएको दिवा रात्री टेस्ट क्रिकेटमा शतक प्रहार गरेका थिए । हाल भने भारतले इंग्ल्यान्डसँग तीनै फर्म्याटमा शृंखला खेल्दैछ । जसका लागि भारतले रोहित शर्माको कप्तानीमा टिम घोषणा गरिसकेको छ ।
यो पनि…
आइपिएल : पञ्जाबको जित, विराट कोहलीको कति रन ?
आइपिएल : कोलकाताको जितमा यी खेलाडीको उत्कृष्ट प्रदर्शन
