कुकुरलाई २४ लाख तलब !
एकातिर कोरोनाको कारण विश्व अर्थतन्त्रमा मन्दी आइरहेको छ भने अर्कोतिर करोडौँ मानिस जागिर नपाएर हैरान छन् । तर एक कम्पनीले भने कुकुरलाई २० हजार डलर तलब दिने घोषणा गरेको छ ।
यो एक अमेरिकी बियर कम्पनी हो । यो कम्पनीको नाम बुश बियर हो । यो कम्पनीले एक कुकुर खोजरहेको छ, जो स्वाद चाख्न खप्पिस होस् । यसका लागि कम्पनीले एक भ्याकेन्सी निकालेको छ ।
कम्पनीले एक चीफ टेस्टिङ अफिसरको आवश्यक रहेको बताएको छ, जसले बुशको स्वाद चाख्न सकोस् र नयाँ स्वादलाई चाख्न खप्पिस होस्, त्यस्तो कुकुर कम्पनीले खोजिरहेको छ । यसले कम्पनीलाई राम्रो पेय पदार्थ बनाउनमा सहयोग गर्नेछ । यसको जानकारी कम्पनीले ट्वीटरमा राखेको हो । एक भिडियो शेयर गर्दै कम्पनीले यसको बारेमा बताएको छ ।
यो पदमा मात्र कुकुरलाई नै राखिने कम्पनीले जनाएको छ । कुकुरलाई यो बाहेक पनि अन्य काम लगाइनेछ । कम्पनीले कुकुरलाई बियरको क्वालिटीमा पनि निगरानी गर्नुपर्ने काम दिएको छ ।
