असारदेखि आइतबार साप्ताहिक बिदा नहुने
आगामी असार १ गतेदेखि आइतबारको साप्ताहिक बिदा हट्ने भएको छ । सोमबार बसेको मन्त्रीपरिषद् बैठकले आइतबार दिइँदै आएको सार्वजनिक विदालाई खारेज गर्ने निर्णय गरेको हो ।
सरकारले यसअघि जेठ १ गतेबाट लागू हुने गरी शनिबार र आइतबार दुईदिन साप्ताहिक विदा दिने निर्णय गरेको थियो । अन्तर्राष्ट्रिय बजारमा पेट्रोलियम पदार्थको अभाव भएसँगै नेपालमा त्यसको असरलाई कम गर्न भन्दै सरकारले दुईदिन साप्ताहिक विदा दिएको थियो । यद्यपि, सरकारको यो निर्णयप्रति विभिन्न क्षेत्रले विरोध जनाउँदै आएका थिए ।
आइतबार सार्वजनिक बिदा दिने सरकारको निर्णयविरूद्ध आज (सोमबार) नै सर्वोच्च अदालतमा रिट दायर भएको छ।
