मेकअप गर्नुअघि यी कुरामा ध्यान दिनुहोस्
महिला सुन्दर देखिनका लागि मेकअप गर्छन् । मेकअपले सौन्दर्य बढाउँछ । थोरै मस्कारा र लिपस्टिक वा ग्लोस लगाएर आफ्नो अनुहार चम्किलो बनाउँछन् । यही कारणले गर्दा आजकल मेकअप धेरैजसो युवतीहरूको जीवनको अत्यावश्यक हिस्सा बनेको छ ।
तर मेकअप गर्दा यो कुरा ध्यानमा राख्नु पर्छ कि यदि मेकअपले छालाको सौन्दर्य बढाउन सक्छ भने यसले बिगार्न पनि सक्छ । त्यसैले मेकअप गर्दा यस्ता गल्ती गर्नु हुँदैन ।
बारम्बार अनुहार धुने
मेकअप गर्नु अघि अनुहार सफा गर्नुपर्छ तर धेरै पटक अनुहार धुनु हुँदैन । आफ्नो अनुहार धेरै पटक धुनाले तपाईको छालाको चमक हटाउँछ र छाला सुख्खा बनाउँछ । त्यसैले अनुहार दिनमा दुई पटकभन्दा बढी धुनु हुँदैन ।
सुख्खा अनुहारमा मेकअप
सुख्खा छालामा मेकअप कहिल्यै गर्नु हुँदैन । मेकअप गर्नुअघि अनुहारमा मोइस्चराइजर लगाएर यसलाई सामान्य बनाउनुहोस् । यसबाहेक, धेरै फाउन्डेसन पनि प्रयोग नगर्नुहोस् ।
आई ब्रोको सही आकार
आँखाको मेकअप अनुहारको मेकअपको सबैभन्दा महत्त्वपूर्ण भाग हो । आई ब्रोलाई सही आकार दिन महत्त्वपूर्ण हुन्छ । आई ब्रोको आकार सामान्य राख्न प्रयास गर्नुहोस् । यदि तपाईं आई ब्रोको सही आकार दिन चाहनुहुन्छ भने, पेन्सिलको सट्टा ब्रस प्रयोग गर्नुहोस् ।
मेकअप सामान साझा नगर्नुहोस्
मेकअपका उत्पादनहरू कसैसँग सेयर नगर्नुहोस् । मेकअप व्यक्तिगत कुरा हो । अझ मेकअपका सामानहरू पनि अलग–अलग राख्दा राम्रो हुन्छ ।
फेसअनुसार मेकअपको छनोट गर्ने
मेकअप गर्दा आफ्नो अनुहारलाई सुट गर्ने मेकअप उत्पादनहरूको छनोट गर्नु पर्छ । यसले तपाईको अनुहार बिर्गानबाट जोगाउँछ ।
यो पनि…
जिन्सको साथमा लगाउनुहोस् यी स्टाइलिस टप
पुरुषका लागि ह्याडसम टिप्स
