बेहुलाले आफ्नै बिहेमा जाने अनुमति पाएनन्

तपाईले धेरै अनौठो खबरहरू सुन्नु भएको होला । तर, के तपाईले कहिल्यै सुन्नु भएको छ कि बेहुलाले आफ्नै बिहेमा जाने अनुमति पाएको छैन ?

चीनमा यस्तै एउटा अचम्मको घटना सार्वजनिक भएको छ । जहाँ बेहुलाले आफ्नै विवाहमा प्रवेश पाएका छैनन् । त्यसपछि बेहुलाले बाहिरै बसेर फोनमा अधिकांश कार्यक्रम हेर्नुपर्ने भयो । सामाजिक सञ्जालमा यो अचम्मको घटना सार्वजनिक भएपछि मानिसहरू यसलाई लिएर अचम्मित भएका छन् ।

बेहुलाले समयमा प्रवेश पाएनन्

‘इनसाइडर’ को रिपोर्ट अनुसार कोभिड परीक्षणको नियममा अचानक परिवर्तन आएपछि बेहुलालाई मोबाइलमा आफ्नै विवाह लाइभ हेर्न बाध्य पारिएको हो । वास्तवमा, फेरि एक पटक कोरोनाको बढ्दो केसका कारण चीनमा नियमहरू धेरै कडा भएका छन् । यी नियमका कारण बेहुला आफ्नो विवाहमा जानबाट वञ्चित भए । यसपछि बेहुलाले धेरैजसो विवाहको कार्यक्रम आफ्नो फोनमा हेर्नुपर्ने भएको थियो ।

दुलहाले फोनमा नै आफ्नी दुलहीको सिँढीबाट ओर्लिरहेको देखे । बेहुला होटेलबाहिर बसिरहँदा विवाहमा निम्तो भएका अधिकांश पाहुना भित्र पुगेका थिए । किनकि बेहुलाको कोभिड टेस्ट भएको थिएन । यसबारे बेहुलाले भने, ‘होटेल छिर्नका लागि चार दिन पुरानो पीसीआर नेगेटिभ रिपोर्ट देखाउनुपर्ने बताएको थियो । तर, विवाहको दिन होटेलले ४८ घण्टा पुरानो रिपोर्ट मागेको थियो ।

बिहेको मुहूर्त सकियो

बेहुली र अधिकांश आफन्त भित्र गएका बेला आफूलाई बाहिर रोकिएको बेहुलाले बताए । यसपछि बेहुलालाई अर्को परीक्षणका लागि जानुपरेको थियो, कोभिडको रिपोर्ट नेगेटिभ लिएर फर्किएपछि बेहुलाले होटेलमा प्रवेश पाउन सक्थे । विवाह दिउँसो २ बजे हुने थियो तर बेहुलाले ४ बजेर ४३ मिनेटमा प्रवेश पाए । अन्ततः साँझ ६ बजे दुलाहा र दुलहीको विवाह भयो ।

यो पनि…
मानिसको जस्तै ओठ भएको एलियन जीव
सबैभन्दा पुरानो यो जीवबारे वैज्ञानिक नै छक्क