English

नयाँ वर्षमा नायिका गरिमा र ऋचाको सरप्राइज



२०७७ सालको अन्तिमतिर नायिका प्रियंका कार्कीले आफू आमा बन्न लागेको जानकारी सामाजिक सञ्जालमार्फत् दिएकी थिइन् । कार्कीले बेबीबम्पको तस्विर सामाजिक सञ्जालमा सार्वजनिक गर्दै आमा बन्न लागेको कुरा शेयर गरेकी थिइन् ।

यसैबीच नेपाली फिल्म क्षेत्रबाट धेरै समयदेखि टाढा रहेकी नायिका गरिमा पन्तले आफू आमा बन्न लागेको जानकारी मंगलबार सामाजिक सञ्जालमार्फत् दिएकी छन् ।

यूराेपमा लामो समयदेखि बस्दै आएकी गरिमाले गर्भावस्थाको तस्विर सामाजिक सञ्जालमा सार्वजनिक गरेर आमा बन्न लागेको जानकारी दिएकी हुन् । तस्विरमा उनी आफ्नो श्रीमान सँगै देखिएकी छिन् । ‘सृष्टिबाट सृष्टिकर्ता, जीवनको अर्को सुन्दर अध्यायमा प्रवेश’ स्ट्याटससहित उनले इन्स्ट्राग्राममा गर्भावस्थाको तस्विर सार्वजनिक गरेकी हुन् ।

No description available.

गरिमा पन्तको विवाह एनआरएन हरि शर्मा थपलियासँग २०७३ बैशाखमा भएको थियो । विवाहपछि उनीहरू बेल्जियममा बस्दै आएका छन् ।

त्यस्तै अर्की नायिका ऋचा शर्माले पनि नयाँ वर्षको दिन आफ्ना फ्यानलाई आफू आमा बन्न लागेको जानकारी दिएकी छिन् ।

सामाजिक सञ्जालको स्ट्याटसमा भनिएको छ, ‘आमाले भन्नुहुन्थ्यो, आफ्नो सन्तान भएपछि थाहा पाउँछस् । आज त्यही कुरा स्मरणमा आइरहेको छ । एउटा जीवनलाई आफ्नो गर्भमा हुर्काउने सौभाग्य पाउँदा, आज शब्दमा आफ्नो भावनाहरु पोख्न सकिरहेको छैन । आज आफ्नो धड़कनभन्दा कोही अरुको धड़कन मभित्र प्यारो आभास भइरहेको छ । आज तपाईंहरू माझ यो खुशी बाँड्न पाउँदा सम्पूर्ण महशुस भइरहेको छ ।’

No description available.

श्रीमानसँग विरुवामा पानी हाल्दै गरेको तस्विरसंगै स्ट्याटसमा अगाडि भनिएको छ, ‘एउटा जीवनलाई स्वरुप दिएर जीवन्त बनाउन पाउनु सायद साँच्चै नै सौभाग्यको कुरा हो । त्यही प्यारो जीवनको स्वागत गर्दै घरको दैलोमा म र मेरो श्रीमानले यो सजीवनको रुख रोप्दैछौं । यो नयाँ जीवनको आगमन र यो रुखको अटुट साथ सधैं बनिरहोस् भन्ने तपाईंहरू सम्पूर्णको आशीर्वादको अपेक्षा गर्दछु । मेरी आमा पनि पर क्षितिजबाट भन्दै हुनुहुन्छ होला, छोरी आज ठूली भई ।’

नायिका ऋचा शर्मा र व्यवसायी दिपेक्ष विक्रम राणाको विवाह २०७६ मंसिर २१ गते भएको थियो ।



सम्बन्धित खबरहरु

आज सोनाम ल्होसारयसकारण मनाउन थालियो ल्होसार तामाङ समुदायको सांस्कृतिक पर्व सोनाम ल्होसारका अवसरमा सरकारले आज बिहिबार देशभर सार्वजनिक बिदा दिएको छ।समुदायले

एपी शर्माको संगीत र शब्दमा आधारित तथा कैसिलोको स्वर र प्रस्तुति रहेको नयाँ म्युजिक भिडियो “भ्यालेन्टाइन” सार्वजनिक भएको छ।मिस्टर जेसीडीको निर्देशनमा तयार यो म्युजिक भिडियोले प्रेमका भावनालाई आधुनिक शैलीमा प्रस्तुत गरेको छ।   गीतको बोल “भ्यालेन्टाइन” प्रेम, रोमान्स र गहिरो भावनाको समायोजन हो ।   यसले भ्यालेन्टाइन डेको पर्खाइ मात्र नभई, प्रेमलाई दिन विशेष बनाउनेहरेक दिनको महत्त्वलाई व्यक्त गर्दछ। “फेब्रुअरीको पर्खाइ गर्न सक्दिन, मलाई माया गरिदेऊ” भन्ने गीतका शब्दहरूले प्रेमीहरूलाई आफ्नो भावनाहरूखुलस्त रूपमा व्यक्त गर्न प्रेरित गर्ने सन्देश दिन्छ।   गीतमा प्रेम, वफादारी, र रोमान्सको भावना झल्किएको छ नाइजेरियामा छायांकन गरिएको भिडियोको भिजुअल प्रस्तुति गीतकै भावना अनुसारजीवन्त र कलात्मक छ। मुख्य भागहरूमा प्रेममा परेका मानिसहरूको भावनालाई प्रतीकात्मक रूपमा प्रस्तुत गरिएको छ।   म्युजिक भिडियोले उत्कृष्ट छायांकन र निर्देशनमार्फत प्रेम र रोमान्सलाई अझ रोचक बनाएको छ। भिडियोमा आधुनिक शैलीका शब्द र धुनलेयुवाहरूको मन जित्ने प्रयास गरिएको छ।   गीत “एपी म्युजिक” युट्युब च्यानलमा उपलब्ध छ, जसले छोटो समयमा नै दर्शकहरूको मन जित्ने सम्भावना राख्दछ। “भ्यालेन्टाइन” गीतले प्रेमदिवसलाई अझ विशेष बनाउन प्रेरणा दिने अपेक्षा गरिएको छ।   नेपाली डायस्पोराले अंग्रेजी गीत-संगीतमा पनि विश्वब्यापी प्रतिस्पर्धा गर्न सुरु गरेको यो एउटा सकारात्मक संकेत हो, जसले नेपाली कलाकारितालाईअन्तर्राष्ट्रिय स्तरमा थप पहिचान दिलाउन मद्दत पुर्याउनेछ।

गुरुङ समुदायको परम्परागत धार्मिक बाजा ढ्याङग्रोमा आधारित रही निर्माण गरिएको चलचित्र ढ्याङग्रो हङकङ र नेपालमा प्रर्दशन हुने भएको छ ।

विरलै मात्रै अभिनयमा देखिने लोकगायिका सुनिता दुलालले चर्चित नायक दिलीप रायमाझीसँग कम्मर मर्काउँदै म्यूजिक भिडियो ओ बड्डा सार्वजनिक गरेकी छन्