एउटा टापुमा एउटा मात्र घर

कतिपय मानिस एक्लै बस्न रुचाउँछन् तर कोही त्यस्ता पनि मानिस हुन्छन् जसलाई भीडको बिस्न मन पर्छ । सबै जना आफ्नो इच्छा अनुसारको घर होस् भन्ने चाहन्छन्, तर कल्पना गर्नुहोस् कि यदि पुरै टापुमा एउटा मात्र घर छ भने, त्यहाँ को बस्न चाहन्छ ?

संसारमा एउटा यस्तो घर छ, जसलाई सबैभन्दा सुनसान घर भनिन्छ । किनभने सम्पूर्ण टापुमा यो घर एउटा मात्र छ । यो Duck Ledges Island अमेरिकाको Wahooa खाडीमा छ । यहाँ यसको क्षेत्रफल १.५ एकड छ ।

यो घरलाई संसारकै सबैभन्दा एकान्त घर मानिन्छ । यो घरका मालिक बोल्ड कोस्ट प्रोपर्टीजको एजेन्ट बिली मिलिकेन हुन् । उनी यो घर बेच्न चाहन्छन् ।

यो एक कोठाको भव्य घर सन् २००९ मा बनेको हो । ५४० स्क्वायर फिटमा बनेको यो घरमा चाहिने सबै कुरा छ । यस घरको पर्खाल काठले बनेको छ । यसको झ्यालहरूमा काठको फ्रेमहरूले सुन्दर सजावट गरिएको छ ।

समुद्रको बिचमा बनेको यो घरमा बाढीको डर छैन । यद्यपि घरमा भने समस्या छ । भित्र बाथरूम छैन र यहाँ राती समुद्री जीव र गिद्धको आवाज आउँछ ।

यो एक बेडरूम घरको लागत करिब २.५८ करोड रुपैयाँ तोकिएको छ । यो ठाउँ अन्तर्मुखीहरूको लागि स्वर्ग मानिन्छ ।

यो पनि…
मानिसको जस्तै ओठ भएको एलियन जीव
एलियन्ससँग यौन सम्बन्ध राखेको अचम्मको दाबी