कलाकारबाट निर्माता बनेका बलिउड सेलिब्रेटी

सन् २०१५ मार्च १३ रिलिज भएको फिल्म ‘एनएच १०’ बनेको ६ वर्ष पुरा भइसकेको छ । यो फिल्ममा अभिनेत्री अनुष्का शर्मा पनि जोडिएकी थिइन् । यस हिसाबले अनुष्का प्रोडक्सन लाइनमा लागेको पनि ६ वर्ष भइसकेको छ ।

अनुष्काको ब्यानर क्लीन स्टेल प्रोडक्सनले निर्माण गरेको ‘एनएच १०’ पहिलो फिल्म हो । यो फिल्मले राम्रो प्रतिक्रिया पाएको थियो । त्यसपछि अनुष्काले परी, फिल्लौरी तथा पाताललोक सिरिज निर्माण गरिसकेकी छिन् । सफल अभिनेत्री संगै उनी अब सफल निर्मातामा पनि जोडिएकी छिन् ।

अनुष्का भन्दा पहिले पनि बलिउडका केही लोकप्रिय सेलिब्रेटीहरूले प्रोडक्सन हाउस शुरु गरेर फिल्म निर्माण गरिसकेका छन् । फिल्म निर्माण गर्ने केही सेलिब्रेटीहरूको बारेमा यहाँ चर्चा गरिएको छ ।

जुही चावला

सुन्दर अभिनयले दर्शकहरूको मन जित्न सफल अभिनेत्री जुही चावलाले अजीज मिर्जा तथा शाहरूख खानसँग टिम बनाएर प्रोडक्सन हाउस ड्रिम्स अनलिमिटेडको शुरुवात गरेका थिइन् । यस ब्यानरबाट ‘फिर भि दिल हे हिन्दुस्तानी’ फिल्म निर्माण गरिएको थियो ।

जोन अब्राहम

बलिउड अभिनेता जोन अब्राहम अभिनयपछि फिल्म निर्माणमा पनि आइसकेका छन् । उनको प्रोडक्सन हाउसको नाम जेए एण्टरटेनमेन्ट हो, जसमार्फत ‘विक्की डोनर’ जस्ता हिट फिल्म निर्माण भएको छ ।

आमिर खान

बलिउडमा मिस्टर परफेक्सनिस्टको नामले चर्चित आमिर खान अभिनयको साथ आफ्नो फिल्महरू पनि निर्माण गरिरहेका छन् । उनको आमिर खान प्रोडक्शनबाट अहिलेसम्म ‘तारे जमिन पर’ तथा ‘दंगल’ जस्ता चर्चित फिल्महरू निर्माण भइसकेका छन् ।

अजय देवगन

अभिनेता अजय देवगनले पनि धेरै फिल्महरू निर्माण गरिसकेका छन् । उनको निर्माणमा अहिलेसम्म ‘गोलमाल रिटर्न’, ‘अल द बेस्ट’, ‘शिवाय’ तथा ‘यू मी और हम’ जस्ता फिल्म बनिसकेका छन् । अजय देवगन एफ फिल्म यो प्रोडक्सन हाउसको शुरुवात सन् २००० मा भएको थियो । सो व्यानरबाट पहिलो फिल्म ‘राजु चाचा’ निर्माण गरिएको थियो । २०१५ मा प्रोडक्सन हाउसलाई विस्तार गरेर वीएफएक्स कम्पनी पनि शुरु गरियो । यो कम्पनीको नाम एनवाय वीएवलएक्स वाला हो । ‘बाजीराव मस्तानी’ तथा ‘तमाशा’ फिल्म यही वीएफएक्स कम्पनीबाट निर्माण भएको थियो ।

सैफ अलि खान

सैफ अलि खानले पनि निर्माण कार्यको लाइनमा कदम राखिसकेका छन् । उनको प्रोडक्सन हाउस इल्युमिनाती फिल्मसबाट अहिलेसम्म ‘लव आजकल’ तथा ‘ककटेल’ निर्माण भइसकेको छ ।

अक्षय कुमार

अक्षय कुमारकी श्रीमती ट्वीङ्कल खन्ना यस प्रोडक्शन हाउसको मालिक हुन् । हरिओम एण्टरटेनमेन्टबाट अहिलेसम्म होली डे, एयरलिफ्ट, जोकर, पटियाला हाउस तथा थैंक्यू जस्ता फिल्म बनिसकेको छ । यो प्रोडक्शन हाउसको नाम अक्षयले पिताको नामबाट सुरु गरेका थिए ।

फरहान खान

फरहान अख्तरले सन् १९९९ मा एक्सल एण्टरटेनमेन्टको शुरुवात गरेका थिए । यस ब्यानरबाट अब तक दिल चाहता है, लक्ष्य, डन तथा रक अन जस्ता फिल्म बनिसकेका छन् । एजेन्सीको सहयोगमा ।