पल प्रकरण : पीडित ‘नाबालिग’ले फेरिन् बयान
अभिनेता पल शाह विरुद्धको मुद्धामा नयाँ मोड आएको छ । पलविरुद्ध जबर्जस्ती करणीको मुद्धामा नाबालिग (गायिका)ले आइतबार अदालतमा बयान फेरेसँगै मुद्धाले फरक बाटो लिने संकेत देखिएको अदालत स्रोतले जनाएको हो ।
‘अब नाबालिग नै होस्टाइल बन्ने संकेत देखिएको छ,’ स्रोतले भन्यो, ‘पीडित बालिकाको पीडित बाबुले पनि बयान फेरेका छन् ।’ बलात्कारको मुद्धामा पीडितले बयान फेरेको अवस्थामा अदालतले ६ वर्षसम्म कैद गर्ने कानूनी व्यवस्था छ ।
पीडित नाबालिगका बाबुले आफ्नी छोरीमाथि पलले जवर्जस्ती करणी गरेको भन्दै ११ फागुनमा जिल्ला अदालत तनहुँमा जाहेरी दिएका थिए । साथै, त्यसको चार दिन पश्चात अर्थात् १५ फागुनमा उनले नवलपरासीस्थित गैंडाकोट प्रहरी चौकीमा अर्को जाहेरी दिएका थिए ।
सोही दिन जिल्ला अदालत तनहुँले पललाई हिरासतमा राखेर अनुसन्धान गर्न आदेश दिएको थियो । थुनछेक बहसपछि १० चैतमा पललाई पुर्पक्षका लागि थुनामा राख्न आदेश दिएसँगै पल यतिबेला तनहुँ कारागारमा छन् ।
यो पनि…
पल–समिक्षा : तनहुँको एउटा कोठादेखि प्रहरी अड्डासम्म
पल शाह प्रकरण : पक्ष/विपक्षमा विभाजित सिने क्षेत्र
