एलियन्ससँग यौन सम्बन्ध राखेको अचम्मको दाबी

विगतमा एलियन्स वा यूएफओको सम्बन्धमा धेरै अचम्मलाग्दो दाबीहरू गरिएका छन् । तर, अहिले आएको दाबीअनुसार एलियनको एक महिलासँग सम्बन्ध थियो, त्यसपछि ती महिला गर्भवती भइन् ।

यो चकित पार्ने दाबी त्यतिबेला बाहिर आएको हो जब एक प्रतिवेदनमा अमेरिकी रक्षा मन्त्रालयले युएफओ भेटेर ‘असाधारण अनुभव’ भएको दाबी गर्ने व्यक्तिहरूको स्वास्थ्य परीक्षण गरेको थियो ।

यस सम्बन्धमा रक्षा गुप्तचर एजेन्सीले पेन्टागनमा केही कागजात बुझाएको छ, जसलाई ‘द सन’ले प्रकाशित गरेको छ । प्रतिवेदनले एलियन वा यूएफओ नजिक हुँदा देख्न सक्ने प्रभावहरू वर्णन गरिएको छ ।

यसमा मानिसहरूलाई चोट पुर्याउनेदेखि लिएर अपहरण र तिनीहरूसँग ‘सेक्स’ गर्ने घटनाहरू समावेश छन् । एक साक्षीले दाबी गरे कि यूएफओले मानिसहरुसंग यौन सम्बन्ध राख्यो र एक महिलालाई पनि गर्भवती बनायो। युएफओ र मानिसबीच पाँच पटक ‘सम्भोग’ भएको रिपोर्ट आएको पनि प्रतिवेदनमा उल्लेख छ ।

प्रतिवेदनमा भनिएको छ कि यूएफओ एलियनको निकटताले मानिसहरूलाई चोट पुर्याउन सक्छ, विकिरणले जलाउन सक्छ, मस्तिष्कमा समस्या निम्त्याउन सक्छ वा उनीहरूको स्नायुलाई असर गर्न सक्छ । यसबाहेक, दुःस्वप्न, आवाज गुमाउनु, आँखामा चोटपटक, सास फेर्न गाह्रो हुनु र तौल घट्नेको अनुभव सुनाइएको थियो थियो ।

प्रतिवेदनका अनुसार बाहिरी र अनौठो विमानको सम्पर्कका कारण धेरै मानिस घाइते भएका छन् । प्रतिवेदनले यस्ता वस्तुहरू अमेरिकी हितका लागि खतरा हुन सक्ने चेतावनी पनि दिएको छ ।

यो पनि…
विश्वभर एलियन जहाजको चर्चा
मृत्युपछि RIP लेखिनुको यस्तो छ कारण