सुजुकीले ल्यायो ‘ह्याप्पी न्यु कार’ योजना
नेपालका लागि सुजुकी कारको आधिकारिक विक्रेता तथा सीजी होल्डिंग्सको अटोमोटिभ डिभिजन ‘सीजी मोटोकर्प’ले नयाँ वर्षको अवसर पारेर आकर्षक ग्राहक योजना ‘सुजुकी ह्याप्पी न्यु कार’ (happy new car) सार्वजनिक गरेको छ ।
कम्पनीको यस योजनाअन्तर्गत ग्राहकले दुई लाख रुपैयाँसम्म बराबरको नगद छुट, एक लाख २५ हजार रुपैयाँसम्म एक्सचेन्ज बोनस, एक वर्षको सवारी बिमा तथा स्क्य्राच कार्डमार्फत ७५ हजारसम्म अतिरिक्त छुट पाउने जनाइएको छ ।
यो योजना नेपालभर रहेका सुजुकी गाडीका ३८ वटै सोरूमहरूमा लागू हुनेछ । सुजुकीका विभिन्न मोडेलहरूका कारअनुसार फरक–फरक हिसाबका छुटहरूको यस योजना सीमित अवधिका लागि जारी लागू हुने पनि कम्पनीले बताएको छ ।
सुजुकी ब्रान्डले एस्प्रेसो, वागेन आर, सेलेरिओ, इग्निस्, स्विफ्ट्, बलेनो, डिजाएर, सिआज, ब्रेज्जा, एस्क्रस्, एर्टिगा, एक्स्एल सिक्स, इको, इको कार्गो र सुपर क्यारी गरी नेपालमा सबैभन्दा बढी गाडीका मोडेलहरू बिक्री वितरण गर्दै आएको छ ।
यो पनि
३५ प्रकारका विशेष ल्याब परीक्षण सुविधा थपिए
सबैभन्दा फास्टर चार्जर ‘अल्ट्राडार्ट चार्जिङ’ लन्च
