नेप्सेमा बुधबार ठूलै अंकको गिरावट आएको छ । मंगलबार सूचक ४६.४६ अंकले घटेर २४५२.०६ विन्दुमा अडिएको छ । २ अर्ब ६७ करोड रुपैयाँको सेयर कारोबार भएको छ । २ कम्पनीको सेयर भाउमा सर्किट ब्रेकर लागेको छ । प्राविधिक विश्लेषकहरुले यसअघि २४८० देखि २५०० सयको विन्दुमा नेप्सेको दह्रो सपोर्ट रहेको बताएका थिए । तर नेप्से सूचक यी विन्दुहरुका बीचमा पनि अडिन नसकेपछि बुधबार ठूलो अंकको गिरावट आएको हो ।
चैत मसान्तको प्रभावले पनि बजारलाई घटाएको कतिपयको भनाई छ । मसान्तमा बैंकको साँवा र ब्याज तिर्नुपर्ने तथा यही बेला राज्यलाई कर तिर्नुपर्ने भएकाले पनि सेलिङ प्रेसर देखिएको अनुमान गरिएको छ । कर तिर्नुपर्ने भएकाले पनि वित्तीय प्रणालीमा तरलता दबाबको थप सामाना गर्नुपर्ने हुन सक्छ । निरन्तर घटिरहँदा बजारमा सेयर भाउ भने निकै सस्तो भइसकेको छ ।
वित्तीय प्रणालीमा तरलता अभाव, चर्को ब्याजदरको प्रभाव थेग्दै आएको बजारमा अहिले चैत मसान्तको पनि प्रभाव परेको हो । तर नेप्सेमा उच्च गिरावट सुरु भएकाले सुक्ष्म रुपमा क्रेताहरु छिरिरहेको अनुमान गर्न सकिन्छ । घटेका बेला किन्ने र बढेका बेला बेच्ने रणनीति गर्न अनुभवीहरुले सुझाव दिने गरेका छन् ।
नेप्से अब करेक्सनको करिब–करिब अन्तिम चरणमा आइसकेको कतिपय विश्लेषकहरुको भनाई रहेको छ । करिब ८ महिना बजार करेक्सन फेजमा गइसकेको छ । यसबीचमा ब्लुचीप कम्पनीहरुको भाउ पनि बेस्सरी घटिसकेको अवस्था छ । आधारभूत पक्षहरुलाई हेर्दा पनि अब मूल्यगत आधारमा हेर्दा पनि भाउ अब खासै धेरै तल झर्न सक्ने अवस्था देखिंदैन।
नयाँ बजेटको तयारी सुरु हुनै लाग्दा चालु आवको सरकारी खर्च पनि वृद्धि हुन थालेको छ । यी सन्दर्भहरुमा चैत मसान्तको प्रेसर साम्य भएपछि बजारले गति लिने विश्लेषकहरुको अनुमान रहेको छ ।
सेयर बजारको सिजन सुरु हुँदैछ । वैशाख लागेपछि सूचीकृत कम्पनीहरुको तेस्रो त्रैमासको वित्तीय विवरण पनि आउन थाल्नेछ । निर्वाचनको मिति नजिकिंदैछ । नयाँ बजेटको तयारी सुरु हुनै लाग्दा चालु आवको सरकारी खर्च पनि वृद्धि हुन थालेको छ । यी सन्दर्भहरुमा चैत मसान्तको प्रेसर साम्य भएपछि बजारले गति लिने विश्लेषकहरुको अनुमान रहेको छ ।
बजारमा यस्ता तर्कवितर्कहरु भइरहँदा आम लगानीकर्ताले भने आफ्नै हिसाबले लगानी रणनीति तय गर्नुपर्ने हुन्छ । सेयर बजारमा आम लगानीकर्ताको मनोविज्ञानको निकै ठूलो भूमिका रहने गर्छ । यसर्थ, लगानीकर्ताको सकारात्मक मनोभावना विकास गराउनका लागि नीतिनिर्माता र नियामकहरुले काम गर्नुपर्ने आवश्यकता देखिएको छ ।
सबल वित्तीय सूचक भएका कम्पनीहरुमा सकेसम्म दीर्घकालीन हिसाबले लगानी गर्न सके लाभ लिन सकिने अनुभवीहरु बताउँछन् ।
बजार घट्दा होस् वा बढ्दा, लगानीकर्ताले कम्पनीहरुले सार्वजनिक गरेका वित्तीय विवरणहरु, सम्बद्ध कम्पनीको व्यवस्थापन र सञ्चालकहरुका बारेमा पनि अध्ययन गर्नुपर्छ । सबल वित्तीय सूचक भएका कम्पनीहरुमा सकेसम्म दीर्घकालीन हिसाबले लगानी गर्न सके लाभ लिन सकिने अनुभवीहरु बताउँछन् ।
यस दिन २२८ कम्पनीको ५८ लाख ४१ हजारभन्दा बढी कित्ता सेयर कारोबार भएको छ । होटेल तथा पर्यटनबाहेक सबै समूहका सूचक घटेका छन् । ९ करोड ६७ लाख रुपैयाँभन्दा बढीसहित खरिदबिक्री रकममा हिमालयन डिष्टिलरी अग्रस्थानमा रहेको छ । यसैगरी, दोस्रो र तेस्रो स्थानमा क्रमशः नबिल बैंक र नेपाल लाइफ इन्सुरेन्स परेका छन् ।
आज सोनाम ल्होसारयसकारण मनाउन थालियो ल्होसार तामाङ समुदायको सांस्कृतिक पर्व सोनाम ल्होसारका अवसरमा सरकारले आज बिहिबार देशभर सार्वजनिक बिदा दिएको छ।समुदायले
एपी शर्माको संगीत र शब्दमा आधारित तथा कैसिलोको स्वर र प्रस्तुति रहेको नयाँ म्युजिक भिडियो “भ्यालेन्टाइन” सार्वजनिक भएको छ।मिस्टर जेसीडीको निर्देशनमा तयार यो म्युजिक भिडियोले प्रेमका भावनालाई आधुनिक शैलीमा प्रस्तुत गरेको छ। गीतको बोल “भ्यालेन्टाइन” प्रेम, रोमान्स र गहिरो भावनाको समायोजन हो । यसले भ्यालेन्टाइन डेको पर्खाइ मात्र नभई, प्रेमलाई दिन विशेष बनाउनेहरेक दिनको महत्त्वलाई व्यक्त गर्दछ। “फेब्रुअरीको पर्खाइ गर्न सक्दिन, मलाई माया गरिदेऊ” भन्ने गीतका शब्दहरूले प्रेमीहरूलाई आफ्नो भावनाहरूखुलस्त रूपमा व्यक्त गर्न प्रेरित गर्ने सन्देश दिन्छ। गीतमा प्रेम, वफादारी, र रोमान्सको भावना झल्किएको छ नाइजेरियामा छायांकन गरिएको भिडियोको भिजुअल प्रस्तुति गीतकै भावना अनुसारजीवन्त र कलात्मक छ। मुख्य भागहरूमा प्रेममा परेका मानिसहरूको भावनालाई प्रतीकात्मक रूपमा प्रस्तुत गरिएको छ। म्युजिक भिडियोले उत्कृष्ट छायांकन र निर्देशनमार्फत प्रेम र रोमान्सलाई अझ रोचक बनाएको छ। भिडियोमा आधुनिक शैलीका शब्द र धुनलेयुवाहरूको मन जित्ने प्रयास गरिएको छ। गीत “एपी म्युजिक” युट्युब च्यानलमा उपलब्ध छ, जसले छोटो समयमा नै दर्शकहरूको मन जित्ने सम्भावना राख्दछ। “भ्यालेन्टाइन” गीतले प्रेमदिवसलाई अझ विशेष बनाउन प्रेरणा दिने अपेक्षा गरिएको छ। नेपाली डायस्पोराले अंग्रेजी गीत-संगीतमा पनि विश्वब्यापी प्रतिस्पर्धा गर्न सुरु गरेको यो एउटा सकारात्मक संकेत हो, जसले नेपाली कलाकारितालाईअन्तर्राष्ट्रिय स्तरमा थप पहिचान दिलाउन मद्दत पुर्याउनेछ।
