पसिनाको दुर्गन्ध यसरी हटाउनुहोस्
गर्मी मौसममा पसिना आउनु सामान्य कुरा हो तर पसिनाबाट आउने दुर्गन्धले भने समस्या निम्त्याउँछ । कहिलेकाहीँ खुट्टा, हत्केला र अन्डरआर्मबाट आएको पसिनाको दुर्गन्धले तपाईंलाई अरूसामु लाजमर्दो बनाउँछ । केही मानिसहरू थोरै गर्मी पनि सहन सक्दैनन् । त्यसैले यस समस्याबाट छुटकारा पाउने उपाय यस प्रकार छ :
चन्दन
शरीरको दुर्गन्ध हटाउन चन्दन प्रभावकारी हुन्छ । यसले पसिना आउने ब्याक्टेरियालाई मार्छ । चन्दनको लेप बनाएर लगाउनाले शरीरबाट पसिनाको दुर्गन्ध हट्नुको साथै पसिना आउन पनि कम गर्छ । जहाँबाट दुर्गन्ध आउँछ त्यहाँ चन्दनको लेप लगाउन सकिन्छ । यसो गर्दा पसिनाको दुर्गन्धको साथै पसिना आउन पनि कम हुन्छ ।
पुदिना
पुदिनामा धेरै औषधीय गुणहरू हुन्छ । दैनिक नुहाउने पानीमा पुदिनाको पात मिसाउँदा शरीरमा पसिनाको दुर्गन्ध आउँदैन र शरीर स्फूर्ति पनि हुन्छ । पुदिनाले शीतलता प्रदान गर्ने भएकोले यसको सेवन पनि गर्न सकिन्छ । यसको लेप बनाएर अत्यधिक पसिना आउने ठाउँमा लगाउँदा दुर्गन्ध हट्छ ।
गुलाब जल
नुहाउने पानीमा गुलाबजल मिसाएर नुहाउँदा पसिनाबाट आउने दुर्गन्धबाट छुटकारा मिल्छ । धेरै पसिना आउने ठाउँमा गुलाबजल लगाउँदा दुर्गन्ध हट्छ । गुलाब जल छालाको लागि पनि फाइदाजनक हुन्छ ।
नीमको पात
नीमले पसिनाको दुर्गन्धबाट छुटकारा दिलाउनुका साथै ब्याक्टेरियालाई पनि मार्छ । यसका लागि नीमलाई पानीमा उमालेर त्यही पानीले नुहाउने । यसो गर्दा पसिनाको दुर्गन्ध हट्छ ।
जेठी मधु र खसखस
आयुर्वेदिक रूपमा एकदमै धेरै प्रयोग हुने जडीबुटी जेठी मधु र खसखस पनि शरीरबाट पसिनाको दुर्गन्ध हटाउन लाभदायक हुन्छ । जेठी मधु र खसखसलाई पिसेर यसको लेप बनाएर अत्यधिक पसिना आउने ठाउँमा लगाउँदा यसले पसिनाको दुर्गन्धलाई हताउँछ ।
यो पनि…
बिहान सबेरै उठ्ने र दिनभर ऊर्जावान् रहने ५ उपाय
दूध र दहीको सेवन कति फाइदाजनक ?
महिलाले बिहान खानुहोस् यी चिज
