नेपाल र भारतले शनिबार ऊर्जा क्षेत्र सहयोग सम्बन्धी ‘भारत-नेपाल संयुक्त भिजन’ जारी गरेका छन् । प्रधानमन्त्रीशेरबहादुर देउवाको भारत भ्रमणको समयमा नयाँ दिल्लीबाट उक्त भिजन जारी गरिएको हो ।
जारी गरेपछि दुवै देशका प्रधानमन्त्रीले भारत-नेपाल संयुक्त भिजनलाई ऊर्जा क्षेत्रको ठूलो उपलब्धि बताएका थिए । भिजनमा दुवै देशका प्रधानमन्त्रीले केही बुँदामा सहमति जनाएका छन् ।
नेपालमा विद्युत उत्पादन आयोजनाहरूको संयुक्त विकास, अन्तरदेशीय प्रसारण पूर्वाधारको विकास, पारस्परिक लाभ, बजारको माग र प्रत्येक देशको लागू घरेलु नियमका आधारमा दुवै देशको विद्युत बजारमा उपयुक्त पहुँचसहितको द्वि-दिशात्मक ऊर्जा व्यापार, राष्ट्रिय ग्रिडको समन्वयात्मक सञ्चालन र नयाँ सूचना, प्रविधि र ज्ञानको संस्थागत आदानप्रदान लगायत ऊर्जा क्षेत्रमा पारस्परिक रूपमा लाभदायक द्विपक्षीय सहयोग विस्तार र सुदृढ गर्ने अभूतपूर्व अवसरहरू रहेको कुरालाई भिजनमा दुवै प्रधानमन्त्री स्वीकारेका छन् ।
सबै सहभागी पक्षहरूबीच पारस्परिक रूपमा सहमत सर्तहरू र सर्तहरूको अधीनमा बिबीआइएन फ्रेमवर्कअन्तर्गत आफ्ना साझेदार देशहरूलाई समावेश गर्न यस्तो सहयोग विस्तार गर्न सकिने भिजनमा उल्लेख छ । बिबीआएन बंगलादेश, भुटान, भारत र नेपाल सम्मिलित उपक्षेत्रीय संगठन हो ।
अर्थतन्त्रलाई मजबुत बनाउन, निर्यात आम्दानीमा वृद्धि गर्न र औद्योगिक तथा वित्तीय क्षमताको थप विकासमा योगदान पुर्याएर दुवै देशलाई फाइदा पुर्याउने क्षमता ऊर्जा क्षेत्रमा रहेको र यसमा आपसी सहमतिमा साझेदारी गर्ने कुरा भिजनमा समेटिएको छ ।
‘तिनीहरूको सम्बन्धित राष्ट्रिय नीतिहरू रजलवायु परिवर्तन प्रतिबद्धताहरूको आधारमा, नवीकरणीय ऊर्जा उत्पादन, विशेष गरी जलविद्युतलाई तिनीहरूको ऊर्जा साझेदारीको आधारशिला बनाउन,’ भिजनमा बिबीआइएनलाई समेट्नुको कारण उल्लेख गरिएको छ ।
नेपालको नवीकरणीय ऊर्जा क्षेत्रमा, विशेषगरी जलविद्युत क्षेत्रमा भारतीय लगानीले दुवै देशलाई रोजगारी सृजना गर्ने भिजनमा जनाइएको छ । आफ्नो अर्थतन्त्रलाई मजबुत बनाउन, निर्यात आम्दानीमा वृद्धि गर्न र औद्योगिक तथा वित्तीय क्षमताको थप विकासमा योगदान पुर्याएर दुवै देशलाई फाइदा पुर्याउने क्षमता ऊर्जा क्षेत्रमा रहेको र यसमा आपसी सहमतिमा साझेदारी गर्ने कुरा पनि भिजनमा समेटिएको छ ।
नेपालले भारतीय कम्पनीहरूलाई नेपालको जलविद्युत क्षेत्र लगायत सम्भाव्य नवीकरणीय ऊर्जा परियोजनाहरूको विकास, निर्माण र सञ्चालनमा लगानी गर्न आह्वान गरिएको छ । यसमा पारस्परिक लाभकारी साझेदारीमार्फत ‘स्टोरेज’ परियोजनाहरूमा समेत काम गर्न सकिने जनाइएको छ ।
दुवै देशका प्रधानमन्त्रीहरू यस संयुक्त भिजनको आधारमा परियोजनाको कार्यान्वयनलाई प्राथमिकतामा राखी गति प्रदान गर्न सहमत भएका छन् । उनीहरूले पारस्परिक सम्मान र समानताको आधारमा एकअर्काको राष्ट्रिय विकास र समृद्धिलाई निरन्तरता दिने सहमति समेत भिजनमा गरेका छन् ।
आज सोनाम ल्होसारयसकारण मनाउन थालियो ल्होसार तामाङ समुदायको सांस्कृतिक पर्व सोनाम ल्होसारका अवसरमा सरकारले आज बिहिबार देशभर सार्वजनिक बिदा दिएको छ।समुदायले
एपी शर्माको संगीत र शब्दमा आधारित तथा कैसिलोको स्वर र प्रस्तुति रहेको नयाँ म्युजिक भिडियो “भ्यालेन्टाइन” सार्वजनिक भएको छ।मिस्टर जेसीडीको निर्देशनमा तयार यो म्युजिक भिडियोले प्रेमका भावनालाई आधुनिक शैलीमा प्रस्तुत गरेको छ। गीतको बोल “भ्यालेन्टाइन” प्रेम, रोमान्स र गहिरो भावनाको समायोजन हो । यसले भ्यालेन्टाइन डेको पर्खाइ मात्र नभई, प्रेमलाई दिन विशेष बनाउनेहरेक दिनको महत्त्वलाई व्यक्त गर्दछ। “फेब्रुअरीको पर्खाइ गर्न सक्दिन, मलाई माया गरिदेऊ” भन्ने गीतका शब्दहरूले प्रेमीहरूलाई आफ्नो भावनाहरूखुलस्त रूपमा व्यक्त गर्न प्रेरित गर्ने सन्देश दिन्छ। गीतमा प्रेम, वफादारी, र रोमान्सको भावना झल्किएको छ नाइजेरियामा छायांकन गरिएको भिडियोको भिजुअल प्रस्तुति गीतकै भावना अनुसारजीवन्त र कलात्मक छ। मुख्य भागहरूमा प्रेममा परेका मानिसहरूको भावनालाई प्रतीकात्मक रूपमा प्रस्तुत गरिएको छ। म्युजिक भिडियोले उत्कृष्ट छायांकन र निर्देशनमार्फत प्रेम र रोमान्सलाई अझ रोचक बनाएको छ। भिडियोमा आधुनिक शैलीका शब्द र धुनलेयुवाहरूको मन जित्ने प्रयास गरिएको छ। गीत “एपी म्युजिक” युट्युब च्यानलमा उपलब्ध छ, जसले छोटो समयमा नै दर्शकहरूको मन जित्ने सम्भावना राख्दछ। “भ्यालेन्टाइन” गीतले प्रेमदिवसलाई अझ विशेष बनाउन प्रेरणा दिने अपेक्षा गरिएको छ। नेपाली डायस्पोराले अंग्रेजी गीत-संगीतमा पनि विश्वब्यापी प्रतिस्पर्धा गर्न सुरु गरेको यो एउटा सकारात्मक संकेत हो, जसले नेपाली कलाकारितालाईअन्तर्राष्ट्रिय स्तरमा थप पहिचान दिलाउन मद्दत पुर्याउनेछ।
