सरकारमा सहभागी र चुनावी तालमेलबारे प्रधानमन्त्रीसँग छलफल गर्दै लोसपा
लोकतान्त्रिक समाजवादी पार्टी (लोसपा) का शीर्ष नेताहरू बालुवाटार पुगेका छन् । अध्यक्ष महन्थ ठाकुरसहितका नेताहरू बुधबार साँझ प्रधानमन्त्री शेरबहादुर देउवासँगको भेटवार्ताका लागि बालुवाटार पुगेका हुन् ।
पछिल्लो समय सरकारमा सहभागीताबारे लोसपाले प्रधानमन्त्री देउवासँग वार्ता गरिरहेको छ । तेस्रो चरणको छलफलका लागि भन्दै लोसपाका अध्यक्ष ठाकुरसहितका नेताहरू बालुवाटार गएका हुन् ।
बुधबारको दिउँसो बसेको कार्यकारिणी समितिको बैठकमा सरकारमा सहभागी हुनेबारे छलफल भएको थियो । बैठकमा ९ जना कार्यकारिणी समिति सदस्यले बोल्दै सरकारमा सहभागी हुने र कांग्रेससँग तालमेल गर्ने विषयमा आफ्नो धारणा राखेका थिए ।
यो पनि…
मनमोहन अधिकारी र भदौ १२ को फैसला
दरबार र माओवादी कांग्रेस सिध्याउन चाहन्थे तर गिरिजाबाबु भने…
