रूस-युक्रेन द्वन्द्व : यस्ता छन् पछिल्ला घटना
रूस र युक्रेनबीच द्वन्द्व जारी छ । महिना दिन पुगिसक्दासमेत युद्ध रोकिने अवस्था देखिएको छैन । रूसी सेना युक्रेनको राजधानी किभनजिकै छ ।
यसैबीच रूसी राष्ट्रपति भ्लादिमिर पुटिनले रूसमाथिको आर्थिक प्रतिबन्धको जवाफमा आणविक हतियारहरू तैनाथ गर्न आदेश दिएका छन् ।
यो युद्धमा रूसले लिएको ठूलो निर्णय पनि हो । किनभने यदि रूसले आणविक हतियार प्रयोग गर्यो भने यसले दुई देशबीच परमाणु युद्ध सुरु गर्नेछ ।
अमेरिकाले पनि रूसलाई यस्तो नगर्न बारम्बार सुझाव दिइरहेको छ । जारी युद्धले युक्रेन मात्र नभइ रूस पनि प्रभावित बनेको छ । दैनिक उपभोग्य वस्तुमा महंगी बढेको छ भने मानिसहरू सुरक्षित स्थान खोज्दै अर्को देश पुगेका छन् ।
युक्रेनीहरू हंगेरी, पोल्याण्ड, जर्मनीलगायत पुगेका छन् । रूस र युक्रेनमा भएका आफ्ना नागरिक विभिन्न देशले ल्याइसकेका छन् । सुरक्षित स्थानमा पठाएका छन् । यहाँ हामीले बीबीसीको सहयोगमा रूस–युक्रेन द्वन्द्वको पछिल्लो अपडेट प्रस्तुत गरेका छौं ।
–जापोरिज्या परमाणु ऊर्जा केन्द्रमा रूसी हमलालाई लिएर अमेरिका, ब्रिटेन तथा क्यानडाका नेताहरूले रूसको चर्को निन्दा गरेका छन् ।
–परमाणु केन्द्रस्थित एक भवनमा आगलागी भएपनि कुनै विकिरण नफैलिएको अन्तर्राष्ट्रिय आणविक ऊर्जा निकायले बताएको छ ।
–युक्रेनस्थित युरोपको सबैभन्दा ठूलो परमाणु ऊर्जा केन्द्रमा आगलागी भएको छ ।
–पुटिनसँग जर्मन चान्सलर ओलाफ स्कॉल्जको एक घण्टालामो फोन वार्ता गर्दै तत्काल युद्ध रोक्न आह्वान गरेका छन् ।
मानवीय संकट गहिरिँदै गर्दा युक्रेनी राष्ट्रपति भोलोदिमिर जेलेन्स्कीले रूसी राष्ट्रपति भ्लादिमिर पुटिनलाई एक्लाएक्लै वार्तामा बस्न अपिल गरेका छन् ।
–युक्रेनमा गरेको अतिक्रमणको सशक्त प्रतिरक्षा गर्दै रूसी राष्ट्रपति भ्लादिमिर पुटिनले योजना अनुसार नै अगाडि बढिरहेको बताएका छन् ।
–रणनीतिक महत्त्वको युक्रेनी बन्दरगाह शहर मारिउपोलका अधिकारीहरूले रूसी फौजको भीषण गोलाबारीका कारण ऊर्जा र पानीको आपूर्ति रोकिएको बताएका छन् ।
–युक्रेनको दक्षिणी शहर एनर्गडारका मेयरले रूसी फौजको गोलाबारीपछि जापोरिज्या परमाणु ऊर्जा केन्द्रनजिक आगो लागिरहेको बताएका छन् ।
–युक्रेनी शरणार्थीलाई तीन वर्षसम्मका लागि विशेष अस्थायी सुविधा दिने विषयमा युरोपेली सङ्घमा आबद्ध देशका आन्तरिक मामिलामन्त्रीहरू सहमत भएका छन् ।
रूसी अतिक्रमण सुरु भएयता १० लाखभन्दा बढी मानिसले युक्रेन छोडिसकेको संयुक्त राष्ट्रसङ्घले जनाएको छ ।
यो पनि…
रूससँग वार्ताका लागि जेलेन्स्कीले के भने ?
युक्रेनको युद्ध क्षमतामा कमी ल्याउन सफल भएको रूसको दाबी
