भनिन्छ, हजार शब्दले व्यक्त गर्न नसकेको कुरा एउटा चित्रले व्यक्त गर्छ । बिनिता बुद्धाचार्यको हकमा पनि यो वाक्य लागू हुन्छ ।
संस्कृति, सम्पदा र कला–कौशलमा धनी सहर काठमाडौंमा जन्मिएकी बिनिता बुद्धाचार्य अहिले जीवन र जगतलाई कुचीको माध्यमबाट कोर्दै चर्चामा छिन् ।
एक कुशल कलाकारको साथै लेखकसमेत रहेकी उनको पुस्तक ‘राजकुमारी र सुनपति’ बजारमा उपलब्ध छ ।
क्लासिक आर्ट ग्यालरी ललितपुरमा नारी दिवसको दिनदेखि ‘युमन क्रियटिभ एनर्जी’ नामक चित्रकला प्रदर्शनी भइरहेको छ । जसमा २६ जना महिला कलाकार सहभागी छन् । त्यस प्रदर्शनीमा बिनिता पनि सहभागी भएकी छिन् । जसमा उनको सिर्जना ‘द हार्ट अफ महासागर’ पनि प्रदर्शनीमा छ । दुई वर्ष अघिदेखि उनी यस प्रदर्शनीमा सहभागिता जनाइरहेकी छिन् ।
हाम्रो पुर्खाले गर्दै आएको कलाकृतिबाट धेरै कुरा सिक्ने मौका पाएँ ।
प्रदर्शनीमा रहेको चित्र ‘द हार्ट अफ महासागर’ले एउटा नारीको लुकेको पक्षलाई देखाउन खोजेको उनी बताउँछिन् । एउटा नारीको मन मस्तिष्क अथवा उसको संसार धेरै ठूलो हुन्छ । त्यसैले, उनी कोही न कोहीसँग जोडिइरहेकी हुन्छिन् । सम्बन्ध अघि बढाउने क्रममा आफ्नो व्यक्तिगत इच्छालाई मनमा नै दबाएर राख्ने बानी महिलाहरूमा हुन्छ । त्यसलाई बाहिर ल्याउनुपर्छ भन्ने कुरालाई यो चित्रले वर्णन गरेको बिनिताको भनाइ छ ।
यो चित्रलाई कोर्ने प्रेरणा उनको वरपरको वातावरण, रीतिरिवाज र पिता पुर्खा भएको उनी बताउँछिन् । ‘हाम्रो पुर्खाले गर्दै आएको कलाकृतिबाट धेरै कुरा सिक्ने मौका पाएँ ।’
सानैदेखि उनको चित्रकलामा रुचि थियो । रुचिको विषयलाई नै आफ्नो करियर बनाउने सोचको साथ उनीले विद्यालय पछिको पढाइमा फाइन आर्टलाई नै रोजिन् । अध्ययनकै क्रममा नेपाल मात्र हैन अन्तर्राष्ट्रिय कलाकारहरूको कलाकारिताको विषयमा पनि उनले जान्ने मौका पाइन् । जसले उनको त्यो रुचिलाई पेसामा बदल्यो ।
नेपाली संस्कृतिसँग जोडिएको जति पनि कलाकारिताहरू छन् । ती कुराहरूले उनलाई चित्र कोर्न र चित्रलाई मानिसको जीवनसँग जोड्न प्रेरणा मिल्छ ।
पढेलेखेका मानिसहरूले त शब्द बुझ्छन् तर जसले पढेलेखेको छैन उनीहरूलाई त शब्द बुझ्न गाह्रो हुन्छ त्यसैले चित्र मार्फत कथा पनि बुझाउन सकिन्छ ।
कला के हो भनेर बुझ्नुभन्दा अगाडिदेखि नै उनी कलाकारितासँग जोडिएको थिइन् । पत्रपत्रिकामा नायक,नायिकाहरूको चित्र देख्ने बित्तिकै कोर्न बासिहाल्थिन् । उनी कक्षा ८ मा पढ्दा नै मयूर पत्रिकामा ‘भिजुअल आर्टिस्ट’ को काम गर्थिन् ।
चित्र मार्फत कथा बुन्ने काममा उनी सिपालु छिन् । ‘पढेलेखेका मानिसहरूले त शब्द बुझ्छन् तर जसले पढेलेखेको छैन उनीहरूलाई त शब्द बुझ्न गाह्रो हुन्छ त्यसैले चित्र मार्फत कथा पनि बुझाउन सकिन्छ ।’
बालबालिकाको कथालाई कसरी नैतिक बनाउने भन्ने कुरामा पनि उनलाई सधैँ चासो रहन्थ्यो । त्यसैलाई ध्यानमा राखेर उनले ‘राजकुमारी र सुनपति’ बालकथा सार्वजनिक गरिन् । लगभग १६ वर्ष उनले बाल साहित्यमा काम गरिसकेकी छिन् ।
बितिनालाई नयाँ–नयाँ प्रयोगात्मक काम गर्न मनपर्छ । चित्रकला, हस्तकला र साहित्य लेखनलगायत विभिन्न क्षेत्रमा काम गरिसकेकी उनलाई समाज रूपान्तरणमा कलाकारको पनि ठूलो भूमिका हुन्छ भन्ने लाग्छ । समाजबाट कलाकार जन्मिएजस्तै समाजलाई कस्तो बनाउने भन्ने कुरा कलाकारले परिभाषित गर्छ भन्ने उनलाई लाग्छ ।
समाजमा कलाकारिताले प्रत्यक्ष तथा अप्रत्यक्ष रूपमा असर पुर्याएको हुन्छ । त्यसैले, कलालाई सबैले सम्मानको दृष्टिले हेर्नुपर्ने उनी बताउँछिन् ।
आज सोनाम ल्होसारयसकारण मनाउन थालियो ल्होसार तामाङ समुदायको सांस्कृतिक पर्व सोनाम ल्होसारका अवसरमा सरकारले आज बिहिबार देशभर सार्वजनिक बिदा दिएको छ।समुदायले
एपी शर्माको संगीत र शब्दमा आधारित तथा कैसिलोको स्वर र प्रस्तुति रहेको नयाँ म्युजिक भिडियो “भ्यालेन्टाइन” सार्वजनिक भएको छ।मिस्टर जेसीडीको निर्देशनमा तयार यो म्युजिक भिडियोले प्रेमका भावनालाई आधुनिक शैलीमा प्रस्तुत गरेको छ। गीतको बोल “भ्यालेन्टाइन” प्रेम, रोमान्स र गहिरो भावनाको समायोजन हो । यसले भ्यालेन्टाइन डेको पर्खाइ मात्र नभई, प्रेमलाई दिन विशेष बनाउनेहरेक दिनको महत्त्वलाई व्यक्त गर्दछ। “फेब्रुअरीको पर्खाइ गर्न सक्दिन, मलाई माया गरिदेऊ” भन्ने गीतका शब्दहरूले प्रेमीहरूलाई आफ्नो भावनाहरूखुलस्त रूपमा व्यक्त गर्न प्रेरित गर्ने सन्देश दिन्छ। गीतमा प्रेम, वफादारी, र रोमान्सको भावना झल्किएको छ नाइजेरियामा छायांकन गरिएको भिडियोको भिजुअल प्रस्तुति गीतकै भावना अनुसारजीवन्त र कलात्मक छ। मुख्य भागहरूमा प्रेममा परेका मानिसहरूको भावनालाई प्रतीकात्मक रूपमा प्रस्तुत गरिएको छ। म्युजिक भिडियोले उत्कृष्ट छायांकन र निर्देशनमार्फत प्रेम र रोमान्सलाई अझ रोचक बनाएको छ। भिडियोमा आधुनिक शैलीका शब्द र धुनलेयुवाहरूको मन जित्ने प्रयास गरिएको छ। गीत “एपी म्युजिक” युट्युब च्यानलमा उपलब्ध छ, जसले छोटो समयमा नै दर्शकहरूको मन जित्ने सम्भावना राख्दछ। “भ्यालेन्टाइन” गीतले प्रेमदिवसलाई अझ विशेष बनाउन प्रेरणा दिने अपेक्षा गरिएको छ। नेपाली डायस्पोराले अंग्रेजी गीत-संगीतमा पनि विश्वब्यापी प्रतिस्पर्धा गर्न सुरु गरेको यो एउटा सकारात्मक संकेत हो, जसले नेपाली कलाकारितालाईअन्तर्राष्ट्रिय स्तरमा थप पहिचान दिलाउन मद्दत पुर्याउनेछ।
