नेपोलियन बोनापार्टका १० प्रेरणादायी भनाईहरू
१५ अगस्ट १७६९ मा जन्मेका नेपोलियन बोनापार्ट पछिल्लो फ्रान्सेली क्रान्ति तथा यससँग सम्बन्धित युद्धका समयमा ख्याति कमाएका एक फ्रान्सेली सैनिक तथा राजनीतिक नेता हुन् । उनको मृत्यु ५१ वर्षको उमेरमा (५ मे १८२१) भएको थियो ।
जनतामाथि महाजनहरूको आधिपत्यको उन्मुलन, सबै वर्गका जनताका लागि समान कानुन, धार्मिक सहिष्णुता तथा सम्बन्धबिच्छेदलाई कानुनीमान्यता उनले गरेका प्रमुख सामाजिक सुधारहरू हुन् । उनले प्राप्त गरेका कानुनी उपलब्धिहरू नेपोलियोनिक कोडका रूपमा विश्वका दर्जनौं देशमा विभिन्न तहका पाठ्यक्रममा समावेश गरिएका छन् । उनका केही १० प्रेरणादायी भनाईहरू यस प्रकार छन् ।
१. तिमी मलाई एउटी असल आमा देऊ, म तिमीलाई एउटा असल राष्ट्र दिनेछु ।
२. गरिब नै रहने पक्का उपाय हो, इमान्दार हुनु ।
३. असम्भव भन्ने शब्द मूर्खहरूको शब्दकोशमा मात्र भेटिन्छ ।
४. अवसरविना क्षमता केही होइन ।
५. एउटा साँचो मानवले कसैलाई पनि घृणा गर्दैन ।
६. कल्पनाले नै संसारमाथि शासन गर्दछ ।
७. कुनै पनि कार्य सुसम्पन्न होस् भन्ने चाहन्छौ भने त्यो कार्य तिमी स्वयम्ले गर ।
८. संसारले दुःख भोग्नुको कारण खराब व्यक्तिको आतंक नभई असल मान्छेको मौनता हो ।
९. एकजनाले गर्न सक्ने सबै गर्नु मानव बन्नु हो भने एकजनाले इच्छ्याएको जति गर्नु ईश्वर बन्नु हो ।
१०. त्यहाँ जम्मा दुइ शक्ति छन्, जसले मानवलाई अघि धकेल्दछ, भय र ईच्छा ।
